Видзӧдлыны Жуков Георгий Константинович лист боклысь код

{{Персоналия}}
'''Жуков Георгий Константинович''' ([[1896 во|1896]]—[[1974]]) — [[СССР|Сӧветскӧй Союзса]] маршал ([[1943]]), [[Сӧветскӧй Союзса Герой|нёльысь Сӧветскӧй Союзса Герой]] ([[1939]], [[1944]], [[1945]], [[1956]]).

== Олан туй ==
Георгий Жуков чужис [[1896 во]]ся [[1 ӧшым|ӧшым тӧлысь 1-ӧд лунӧ]] (важ стиль серти — вӧльгым тӧлысь 19-ӧд лунӧ) [[Калуга губерня]]ысь Малоярославец уездса Стрелковка грездын.

=== [[Айму вӧсна Ыджыд тыш]]ӧдз ===
[[Медводдза ставмирса тыш]] дырйи сійӧс наградитісны кык Георгиевскӧй крестӧн. Гӧрд Армиаын — [[1918 во]]сянь. Тышкасис Гражданскӧй тышын.

[[1939 во]]ын сылӧн веськӧдлӧм улын лӧсьӧдӧма да олӧмӧ пӧртӧма [[Монголия]] вылӧ уськӧдчӧм [[япония]]са войскаяс пасьвартӧм кузя операциа.

=== [[Айму вӧсна Ыджыд тыш]] ===
[[1941 во]]ся [[29 лӧддза-номъя|лӧддза-номъя тӧлысь 29 лунсянь]] — Медвылыс Главнокомандованиелӧн Ставкаӧ пырысь, [[1942 во]]ся [[моз тӧлысь]]сянь — СССР-са оборона наркомлӧн 1-дза вежысь да Медвылыс Главнокомандуюшӧйлӧн вежысь. [[1941 во]]ын веськӧдліс Резервнӧй фронтӧн, мый отсӧгӧн Ельня кар дорын вӧлі нуӧдӧма гитлерса войска вылӧ медводдза уськӧдчӧм да вермӧм. [[1942]]—[[1943]] воясӧ координируйтіс фронтъяслысь тышкасьӧмсӧ [[Волгоград|Сталинград]] улын, [[Петыркар|Ленинград]] гӧгӧрысь блокада орӧдігӧн, [[Курск]] улын да [[Днепр (ю)|Днепр ю]] вӧсна. [[1944 во]]ся [[рака тӧлысь|рака]]—[[ода-кора тӧлысь]]ясӧ веськӧдліс Украинаса 1-дза фронтлӧн войскаясӧн, гожӧмнас координируйтіс Беларусьса 1-дза да Мӧд фронтъяслысь тышъяссӧ, кор дасьтісны «Багратион» нима уськӧдчан операциа. [[Айму вӧсна Ыджыд тыш]] помасигӧн веськӧдліс Беларусьса 1-дза фронтӧн, мый вынъясӧн тышкасисны Висла-Одер операциаын да босьтісны Берлин.

Медвылыс Главнокомандование тшӧктӧм серти [[1945 во]]ся [[8 ода-кора|ода-кора тӧлысь 8-ӧд лунӧ]] [[Берлин]]сянь неылын — Карлсхорстын — кырымаліс нацистскӧй [[Германия]]лӧн вооруженнӧй вынъяс капитуляция йылысь документ. Фашистскӧй Германия пасьвартӧмӧ ыджыд пай пуктӧмысь сылы кыкысь сетлісны [[СССР]]-са медвылыс военнӧй орден — «Победа» орден. [[1945 во]]ся [[24 лӧддза-номъя|лӧддза-номъя тӧлысь 24-ӧд лунӧ]] принимайтіс [[Москва]]ын '''Победа парад'''.

=== [[Айму вӧсна Ыджыд тыш]] бӧрын ===
Война бӧрын [[1953 во]]ӧдз командуйтіс некымын военнӧй кытшын войскаясӧн. [[1953]]—[[1955 во]]ясӧ — оборона министрлӧн 1-дза вежысь. [[1955]]—[[1957 во]]ясӧ — СССР-са оборона министр.

Куліс [[1974 во]]ся [[18 лӧддза-номъя|лӧддза-номъя тӧлысь 18-ӧд лунӧ]].

== Ӧшмӧсъяс ==
== Ыстӧдъяс ==
<references/>

[[Категория:Персоналия:Рочму]]
[[Категория:СССР-са геройяс]]