Войтыръяслӧн Ёрталун орден
Войтыръяслӧн Ёрталун орден (рочӧн Орден Дружбы народов) — СССР-ын канмуса орден.
История
[вежны | Вежны кодировкаын]Войтыръяслӧн Ёрталун орден лӧсьӧдӧма 1972-ӧд вося ӧшым тӧлысь 17 лунӧ СССР-са Вылыс Сӧветысь Президиумлӧн Шуӧмӧн СССР-лы 50 во тырӧмкӧд йитӧдын. Орденлӧн статут вӧлі неуна вежӧма СССР-са Вылыс Сӧветысь Президиумлӧн Шуӧмӧн 1980-ӧд вося сора тӧлысь 18 лунӧ. Орденлысь эскизсӧ вӧчис серпасалысь Александр Борисович Жук. Орден дугдісны сетавны Сӧветскӧй Союз киссьӧм бӧрын, 1991 воын.
1972-ӧд вося ӧшым тӧлысь 17 лунсянь 1993-ӧд вося лӧддза-номъя тӧлысь 27 лунӧдз вӧлі сетӧма 72 761 СССР-са орден. Та кындзи, 1212 мортлы вӧлі сетӧма Россияса Федерацияын Войтыръяслӧн Ёрталун орден (1992-ӧд вося рака тӧлысь 2 лунсянь 1994-ӧд вося рака тӧлысь 2 лунӧдз).
Орденлӧн статут
[вежны | Вежны кодировкаын]
СССР-лы 50 во тырӧмкӧд йитӧдын орден лӧсьӧдӧма, медым сетны социалистическӧй странаяс да войтыръяс костын ёртасьӧм ёнмӧдӧмӧ ыджыд пай пуктӧмысь, СССР да союзса республикаяс сӧвмӧдӧмӧ пайысь.
Орден сетӧны:
- СССР-са гражданалы;
- овмӧсъяслы, котыръяслы, союзнӧй да асвеськӧдлан республикаяслы, дінмуяслы, обласьтъяслы да кытшъяслы, районъяслы, каръяслы да сикт-грездъяслы.
Орден вермасны сетны и суйӧрсайса государстволы, йӧзлы да овмӧсъяслы.
Орден серпасалӧм
[вежны | Вежны кодировкаын]Орден вӧчӧны эзысьысь. Вит йыла кодзув пытшкӧ пуктӧма СССР-лысь зарниӧдӧм канпас. Ӧти кодзув йывсянь мӧд кодзув йылӧдз — 47 мм.
Ӧшмӧсъяс
[вежны | Вежны кодировкаын]- Орден йылысь юӧр
- Колесников Г.А., Рожков А.М. Ордена и медали СССР. М., ВИ, 1983.
- Гребенникова Г.И., Каткова Р.С. Ордена и медали СССР. М., 1982.
- Сборник законодательных актов о государственных наградах СССР. М., 1984.
- Шишков С.С., Музалевский М.В. Ордена и медали СССР. Владивосток, 1996.
- Дуров В.А. Отечественные награды. 1918-1991. М., 2005.
- Горбачёв А.Н. Многократные кавалеры орденов СССР. М., 2006.