Чехов Антон Павлович

Чехов Антон Павлович (1860 — 1904) — роч гижысь, драматург да прозаик, публицист, бурдӧдысь.

Ставмирса литературнӧй классик. Почётный академик Императорса наукаяс академияысь Почёта академик (1900—1902). Мирын меднимала драматургъяс лыдысь. Сылӧн гижӧдъяссӧ вуджӧдӧма сё сайӧ кыв вылӧ. Сылысь пьесаяссӧ («Каля», «Куим чой» да «Вишняа сад») пуктӧны сё во чӧж нин уна театрын.

Кызь вит воӧн — гимназияысь 1879-ӧд воын петӧмсянь и 1904-ӧд вося сора тӧлысьӧдз — Чехов лӧсьӧдіс 500 сайӧ гижӧд (дженьыд шмонитана висьт, фельет, висьт, повесьт, пьеса). На пиысь уна гижӧд лои ставмирса классикаӧн. На лыдын — себя «Степь», «Гажтӧм история», «Дуэль», «6 № палата» (1892), «Мезонина керка» (1896), «Душечка», «Чеччалысь, «Тӧдтӧм мортлӧн висьталӧм», «Мужикъяс», «Футлярын морт» (1897—1898), «Гуранын», «Посниулов», «Вӧралігӧн драма» повесьтъяс; «Каля» (1895), «Дядя Ваня» (1899), «Куим чой» (1901—1903), «Вишняа сад» (1903—1904) пьесаяс.

Гижӧм да бурдӧдӧм кындзи Чехов отсасис тшыгъялысьяслы, челядьлы, крестьяналы, туберкулёзӧн висьысьяслы. Кыдзи Ялта благотворительнӧй котырса уполномоченнӧй вӧлі чукӧртӧ сьӧм, йӧзӧдӧ газетъясын гижӧдъяс.

Олан туй

Антон Чехов чужӧма 1860-ӧд вося тӧвшӧр тӧлысь 29-ӧд лунӧ (важ стиль серти тӧвшӧр тӧлысь 17-ӧд лун) Рочму империяысь Екатеринослав губернияса Таганрогын.

Кулӧма 1904-ӧд вося сора тӧлысь 15-ӧд лунӧ (важ стиль серти сора тӧлысь 2-ӧд лун) Германия исперияса Баденвайлер карын.

Гижӧдъяс