Перейти к содержанию

Хатанзейский Никон Кондратьевич

Содтыны ыстӧгъяс
Босьтӧма Wikipediaысь
Хатанзейский Никон Кондратьевич

Шаблон:Серпасыс абу

Хатанзейский Никон Кондратьевич (1926—2020) — коми журналист, краевед.

Никон Хатанзейский чужӧма 1926-ӧд вося косму тӧлысь 26-ӧд лунӧ Коми (Зыряна) асвеськӧдлан обласьтын Изьва-Печора уездса (ӧні — Изьва районса) Кипъёва сиктын. 1942-ӧд воын ФЗО школа помалӧм бӧрын босьтчӧма плӧтникавны.

1943-ӧд во пансигӧн 1925-ӧд вося зонъяскӧд 17 арӧсӧн сійӧс босьтісны армияӧ.

Хатанзейский Н.К. тышкасьӧма 3-ӧй Беларусь, I Балтикабердса да I Ыліасыввывса фронтъясын. Тышкасьӧма 29-ӧд запаснӧй стрелкӧвӧй дивизияса 391-ӧд запаснӧй стрелковӧй полкын, 26-ӧд стрелкӧвӧй дивизияса 79-ӧд стрелковӧй полкын, 1277-ӧд зенитнӧй артиллерийскӧй полкын. Ранитчылӧма.

Айму вӧсна Ыджыд тыш бӧрын кочегаралӧма Няшабӧжса судоверфын, уджалӧма районса связь юкӧнын плановик-экономистӧн, Усвавомса сельпоын веськӧдлысьӧс вежысьӧн. Та кадӧ жӧ велӧдчӧма Коми канмуса педагогика институтын, кӧні босьтӧма история да обществоведение велӧдысьлысь специальносьт.

1952-ӧд восянь уджалӧма газетъясын. Медводз — Усвавом районса «Сталинскöй туйöд» газетын кывкутысь секретар, сэсся – «Коми колхозник» (ӧні — «Коми му») газетын литсотрудникӧн да пропаганда юкӧдса веськӧдлысь.

Изьва локтӧм ӧрын 1965-ӧд восянь веськӧдлӧма кызь во чӧж «Выль Войвыв», а сэсся «Новый Север» газетъясӧн. Пенсия вылӧ петӧм бӧрын дас во веськӧдлӧма Изьва районса историко-краеведческӧй музейӧн.

Кулӧма 2020-ӧд вося косму тӧлысь 1-ӧд лунӧ.

Н.К. Хатанзейский гижӧма «На земле Ижемской» (1982) да «Земля Ижемская» (1996) небӧгъяс, уна сикас очерк. Сылы медводдзаӧн Комиын сетӧма журналистъяслысь В. Савин нима премия. Н.К. Хатанзейский — Изьва районса да Изьва сиктса Почёта гражданин, Коми Респуликаса Почетнӧй ветеран, «Серебряная звезда – Гражданская инициатива» орден шедӧдысь.

    Босьтӧма "https://kv.wikipedia.org/w/index.php?title=Хатанзейский_Никон_Кондратьевич&oldid=146725"-ысь