Филатова Марина Георгиевна
| Филатова Марина Георгиевна |
Филатова Марина Георгиевна (1943—2021) — телевидениеса Сыктывкар студияса диктор, Россия Федерацияса культураын нимӧдана уджалысь.
Олан туй[вежны | Вежны кодировкаын]
Марина Филатова чужӧма Воронеж обласьтын Талица районса Каверино сиктын 1943-ӧд вося ӧшым тӧлысь 18-ӧд лунӧ. Сыктывкарын 1957-ӧд восянь. Помалӧма Коми канмуса педагогика институт (1975). 1964-ӧд воын конкурс серти пырӧма уджавны сӧмын на воссьӧм телевидениеса Сыктывкар студияӧ. Нуӧдӧма челядьлы «Занимательная азбука» да «Путешествие в сказку» уджтасъяс, общественнӧ-политическӧй да художественнӧй передачаяс, юӧр сетан «Панорама республики» и с.в.
1971 да 1975-ӧд воясын велӧдчӧма Москваын Шӧр телевидениелӧн Уджсикас сӧвмӧдан институтын. 1991-ӧд восянь веськӧдлӧма уджтасъяс отделӧн. «Коми гор» телерадиокомпанияын уджалӧма 40 сайӧ во, на пиысь комын во чӧж снимайтчӧма передачаясын.
Кулӧма 2021-ӧд вося йирым тӧлысь 8-ӧд лунӧ.[1]
Наградаяс[вежны | Вежны кодировкаын]
- «Телевидениеса отличник» пас (1984)
- Коми Республикаса культураын нимӧдана уджалысь (1994)
- Россия Федерацияса культураын нимӧдана уджалысь (1999)
Ӧшмӧсъяс[вежны | Вежны кодировкаын]
- Филатова Марина Георгиевна // Республика Коми: Энциклопедия: в 3-х т. — Сыктывкар, 2000. — Т. 3. — С. 247.