Сёрнитанiн:Англичан кыв

Содержимое страницы недоступно на других языках.
Босьтӧма Wikipediaысь

Кыдзи бурджык шуны - англия кыв, англияса кыв али англичан кыв? (али весиг инглиш кыв :))) ) --Jugydmort (обсуждение) 20:37, 11 рака 2014 (UTC)

Англия кыв гижӧмыс - ӧтласа сӧрӧм. Тадзи оз позь гижны! Комиӧн тай кыв ним = этноним + "кыв": удмурт (морт) - удмурт кыв, коми морт - коми кыв, немеч (морт) - немеч кыв, франсуз (морт) - франсуз кыв, роч морт - роч кыв. Англия - регион ним, та вӧсна сійӧ татчӧ некыдз оз лӧсяв. Англияса олысьсӧ комияс рочьяс моз шуӧны англичанинӧн (уна лыдын - англичана). Зумыд кывдін лоӧ "англичан", сійӧн вежласяна роч суффикс позьӧ кокниа шыбитны (тадзи жӧ вӧчӧмаӧсь марияс да мукӧд войтыр). Сідзкӧ лоӧ англичан (морт), англичана (либӧ англичанъяс), англичан кыв. Артмӧ пӧшти рочӧн моз (а тайӧ комияслы пӧ ёна колантор), но век жӧ коми ногӧнджык. "Англияса кыв" оз лӧсяв стилистика боксянь - "америкаса англияса кыв" либӧ "роча-англиясаа кывкуд" шуны он вермы ("роча-англияа кывкуд" он жӧ). Вӧліны нӧшта вариантъяс англ кыв, англи кыв, но йӧзыс найӧс озджык гӧгӧрвоны и сьӧкыдпырысь шуанаӧсь найӧ комиыдлы. (Кӧть ме и вӧлі англ кыв дор). Сідзсӧ, рочмигмозыс суйӧрсайса кыв нимъяссӧ комияс шулӧны роч прилагательнӧйлысь кывйыв вежӧмӧн, тані лоӧ английскӧй кыв. Но миян кадӧ сійӧс норма пыдди босьтны некутшӧма оз позь. А инглиштӧ некор оз примитны официальнӧя, да и сэсся кывтэчасъяс сыысь он вӧч: инглиш морт ни инглиш му... Кольӧ англичан кыв - кыдзи компромисс. Enye Lav (обсуждение) 10:16, 12 рака 2014 (UTC)