Рочев Александр Андреевич

Босьтӧма Wikipediaысь
Рочев Александр Андреевич
Чужан лун:

1937-ӧд вося йирым тӧлысь 19-ӧд лун(1937-10-19)[1]

Чужанін:
Кулан кад:

1995-ӧд вося кӧч тӧлысь 24-ӧд лун(1995-09-24)[1] (57 арӧс)

Канму:
Мыйся уджыс:

шылад тэчысь, учитель

Шаблон:Серпасыс абу

Рочев Александр Андреевич (19371995) — Комиысь шылад тэчысь, велӧдысь.

Олан туй[вежны | Вежны кодировкаын]

Чужӧма 1937-ӧд вося йирым тӧлысь 19-ӧд лунӧ Коми АССР-ысь Чилимдін сиктын. Сэсся семьяыс вуджӧма овны Сыктывдін районса Сёська сиктӧ. Велӧдчӧма Сыктывкарса шылад училишӧын баян класс серти. 1961-ӧд воын пырӧма велӧдчыны Гнесинъяс нима Москваса шылада-педагогика институтӧ. 1971-ӧд воын помалӧма Улыс Новгородса канму консерватория. Вӧлӧма велӧдысьӧн Сыктывкарса культурно-просветительскӧй училишӧын. 1965-ӧд воын босьтчӧма веськӧдлыны Эжваын сӧмын на воссьӧм челядьлы шылад школаын.

Кулӧма 1995-ӧд вося кӧч тӧлысь 24-ӧд лунӧ. Гуалӧма Сыктывдін районса Сёська сиктын.

Шылад тэчӧм[вежны | Вежны кодировкаын]

А. Рочев гижӧма патриотическӧй да лирическӧй сьыланкывъяс, философскӧй притчаяс, частушкаяс, коми йӧзкостса сьыланкывъяслысь хорӧвӧй обработкаяс. Видлӧма гижны татшӧм жанръясын, кыдызи опера, кантата, неыджыд инструментальнӧй пьеса, симфония. Тӧдчанаторйӧн лоӧма куим юкӧна Симфония, мый сиӧма Сыктывкарлы 200 вося юбилейлы. Сылысь концертнӧй фантазиясӧ кларнетлы да струннӧй оркестрлы (1976) петкӧдлӧма Сыктывкар да Москваын.

Шылад тэчысь гижлӧма сьыланкывъяс да романсъяс Иван Куратовлӧн, Илля Васьлӧн, Тима Веньлӧн, Ананий Размысловлӧн, Николай Фроловлӧн, Геннадий Юшковлӧн, Альберт Ванеевлӧн, Владимир Поповлӧн, Виктор Кушмановлӧн да Серафим Поповлӧн кывбуръяс вылӧ. 1970 воын СССР-са композиторъяслӧн шылад фестиваль дырйи «Обелиск» сьыланкывйысь (кывбурыс В. Кушмановлӧн) Рочевлы сетӧма лауреат ним. Нёбдінса Витторлысь «Югыд кодзув» сьыланкыв вежлалӧмысь Коми АССР артмӧмсянь 50 вося юбилейлы сиӧм конкурсын босьтӧма коймӧд премия коми йӧзкостса сьыланкыв хорӧн сьылӧм могысь медбура вежлалӧмысь.

Рочев сідзжӧ гижӧма челядь хоръяслы сьыланкывъяс, «Весёлая прогулка» (кывъясыс А. Клейнлӧн) радиопостановка дорӧ шылад, челядьлы сизим фортепианнӧй пьеса, хорлы «Времена года» цикл, меццо-сопранолы да фортепианолы «12 солнц» вокальнӧй миниатюраяслысь цикл (кывбурыс Т. Агаевлӧн).

1974-ӧд воын Коми небӧг лэдзанін йӧзӧдӧма Рочевлысь шылада сборник.

Наградаяс[вежны | Вежны кодировкаын]

  • Коми ССР-са искусствоясын нимӧдана уджалысь (1991)

Ӧшмӧсъяс[вежны | Вежны кодировкаын]

  • Егорова Н.Л., Шергина А.А. Рочев Александр Андреевич // Город Сыктывкар: энциклопедия. — Сыктывкар, 2010. — С. 249.
  • Рочев Александр Андреевич // Союз композиторов Республики Коми. — Сыктывкар, 2008. — С. 173—188.
  • Горчаков А. Его любовь – музыка // Связь времён. — Сыктывкар, 2000. — С. 567.
  • Герстле Н. Композитор Рочев Александр Андреевич // Дыхание Пармы. — Сыктывкар, 1991. — С. 272—273.
  • Календарь знаменательных и памятных дат Республики Коми на 2012 год / Нац. б-ка Респ. Коми; сост. В.Н. Казаринова. — Сыктывкар, 2011. — С. 89—91.

Ыстӧдъяс[вежны | Вежны кодировкаын]

  1. 1,0 1,1 1,2 1,3 http://cultmap.nbrkomi.ru/ru/page/muzyka.muz_p.Rochev/