Пӧлӧвник (Княжпогост район)

Пӧлӧвник Половники
Му:	Рочму
Статус:	грезд
республика:	Коми республика
район:	Княжпогост район
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	коми, роч
Олысьяс	8 морт (2007)
Час кытш:	UTC+3+3
Телефон код:	+7 821 39
Пошта индӧс:	169205
Автомобиль код:	11, 111

Пӧлӧвник (рочӧн Половники) — Коми Республикаын Княжпогост районысь Виз сикт овмӧдчӧмин улӧ пырысь грезд.

География

• Грезд пукалӧ Емва юлӧн веськыд берегын.

История

• Грездсянь неылын сюрӧма важ йӧзлӧн оланін, кӧні овлӧмаӧсь миян эраса 2 сюрс воын.
• Грездсӧ лӧсьӧдӧма XVI нэм помын Визысь озыр кресьтянин Иван Опарин, а медводдза олысьӧн вӧлӧма половник Савелий Фёдорович (половник — кресьтянин, коді уджалӧ мӧдлӧн му вылын да мынтӧ сылы джын урожайсӧ).
• 1608 во — «починок, на усть Колтовы речки Ивана Опарина», 1 овмӧс. 1646 во — «деревня, что был починок на усть Колтовы речки», 2 овмӧс. 1678 во — «деревня, что был починок на усть Колтовы речки, а Половники тож», 2 олан да 2 овтӧм овмӧс (ӧтиыс кулӧма, а мӧдыс, Л.М. Данилов, мунӧма Эжва горув кынӧмпӧт корсьны).
• 1719 во — грездын вӧлӧма 3 овмӧс; налӧн овъяс — Данилов, Лебедев.
• 1784 во — пасйӧма кык грезд: «Малая Половницкая», 3 овмӧс, 15 морт (5 мужичӧй, 10 нывбаба); «Большая Половницкая», 4 овмӧс, 49 морт. 1873 воын 8 овмӧсын олӧма 60 морт.
• 1908 воын Пӧлӧвникын воссьӧма земскӧй начальнӧй училишӧ. 1926 воын — 53 овмӧс, 249 морт. 1930 воын тані вӧлӧма школа.
• 1989 воын тані олӧма 12 морт, на пиысь 75 % коми. 2000 воын — 10 овмӧс, 16 морт.

Олысь лыд

Вояс да олысь лыд
1784	1873	1918	1926	1970	1979	1989	2000	2007
64	60	239	249	69	24	12	16	8

Медводдза овъяс

• 1719 — Данилов, Лебедев.

Ӧшмӧсъяс

• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Республика Коми: Энциклопедия. — Сыктывкар, 1997—2000. — Т. 1—3.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.