Подорова Агния Ивановна

Материал из Wikipedia
Перейти к навигации Перейти к поиску
Подорова Агния Ивановна
Чужан лун:

1901-ӧд вося тӧвшӧр 21-ӧд лун(1901-01-21)[1]

Чужанін:
Кулан кад:

1972-ӧд вося рака 22-ӧд лун(1972-03-22)[1] (71 ар)

Мыйся уджыс:

школьная учительница, преподаватель, министр образования, директриса, руководитель, филолог

Шаблон:Серпасыс абу

Подорова Агния Ивановна (19011972) — коми кыв туялысь, педагог.

Олан туй[веськӧдны | править код]

Агния Подорова чужӧма Вӧлӧгда губерняын Усть-Сысольск уездса Куж грездын — (ӧні Кулӧмдін районса Куж сикт) 1901 вося тӧвшӧр тӧлысь 8 (21) лунӧ. 1920 воын помалӧма Югдінын педагогикаысь дженьыд курсъяс да мӧдӧдӧма Кулӧмдінӧ веськӧдлыны челядь видзанінӧн. 19211924 воясын Кулӧмдін уездса РКП(б) комитетын инструкторалӧма, веськӧдлӧма женотделӧн. Велӧдӧма начальнӧй классъясын Аквадын, Княжпогостын да Туръяын.

1930 вося арнас сійӧс мӧдӧдӧмаӧсь велӧдчыны Москваӧ Н.К. Крупская нима коммунист ногӧн быдтӧм педагогика академияӧ, кӧні велӧдчӧма 1932 вося вӧльгым тӧлысьӧдз. 19321936 воясын велӧдӧма коми да роч кывъяс Емдінса да Сыктывкарса педагогика техникумъясын. 19361939 воясын велӧдчӧма Коми канмуса педагогика институтысь кыв да литература пакультетын, но помалӧма уджысь орӧдчытӧг сӧмын 1947 воын.

1939 вося тӧвшӧр тӧлысьыс сійӧс индӧмаӧсь ВКП(б) Коми обкомса школаяс юкӧнса веськӧдлысьӧн. Регыд мысти сійӧс пуктӧмаӧсь Коми АССР-са просвещение наркомӧн. 1943 восянь А.И. Подорова веськӧдлӧма Коми туялан институтӧн, но Коми АССР-ын СССР-са наукаяс академиялысь туясян база лӧсьӧдӧм бӧрын 1944 воын сійӧс индӧны веськӧдлыны Коми филиаллӧн кыв, письменносьт да история секторӧн. 1947 восянь и 1956 воӧдз, пенсия вылӧ петтӧдзыс, тайӧ секторас уджалӧма младшӧй научнӧй сотрудникӧн.

Кулӧма Сыктывкарын 1972 вося рака тӧлысь 22-ӧд лунӧ.

Туялан удж[веськӧдны | править код]

А.И. Подорова 1954 воын дорйӧма филологияса кандидат ним вылӧ диссертация, нимыс — «Коми кывйын кывтор».

Сылӧн веськӧдлӧм улын вӧлі дасьтӧма нормаа кывкудъяс: «Коми-русский словарь» (1948), «Коми орфографический словарь» (1953).

Зільӧма коми кыв гижанноглы нормаяс дасьтӧмын. Гижӧма «Современный коми язык» (1955) велӧдан небӧглы «Кывтор» да «Кывйитӧд» юкӧнъяс.

Небӧгъяс[веськӧдны | править код]

  • Коми-русский словарь. 1948
  • Коми орфографический словарь. 1953

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. 1,0 1,1 1,2 1,3 1,4 1,5 https://sites.google.com/site/popovva2013kgpi/home/o-sedakove-n-i