Парма (газет)
Парма — Перым крайса Коми кытшын каналан газет. Петö Кудінкарын вежон дырйи куимысь. Ыдждаыс 4-8 листбок. Тиражыс 4500-7300 лэдзӧмтор.
Газетыс петӧ роч кывйӧн, кöть вежон дырйи сетӧны öтик листбок комиӧн («Коми говк»).
История
[вежны | Вежны кодировкаын]Газет лэдзöны Кудінкарын 1926' йирым тӧлысь 7' лунсянь. Медводдзаӧн шусис «Гöрись» и петіс роч кывйӧн, сӧмын мукöд статтяяс да мичмöдан гижöдъяс вöліны комиöн. 1926'-1930' воясса тиражыс содöма 500-сянь 3500 номерöдз.
1931' йирым тӧлысь 2' лунсянь газет пондіс шусьыны «Ленин туй вылöт». Коми кывйӧн гижӧдъяс лоины унджык, а 1936'-1938' воясӧ «Ленин туй вылöтыс» неуна не быдсöн комисяліс, сы понда мый рочьяс кутісны лэдзны торья газет («За ленинскую национальную политику»). 1938' во помын, кöр рочьяс уськöдчисны Суоми му вылö, «Ленин туй вылöт» лоис роч, но сэсся бöрӧ пондöмаӧсь лэдзны сійöс кыкнан кывйӧн.
1951' лэддза-номъя 1' лунсянь Кудінкарас ӧтлалӧмаӧсь коми да роч газетъяс «Ленин туй вылöт» да «Коми пермяцкöй колхозник». Нёль листбока газет («По ленинскому пути»/«Ленин туй вылöт») пондіс петны вежон вылас витысь. Тиражыслысь ичöтджык тор (800 экземпляр) лэдзасьöмаӧсь комиöн, а ыджыджыкö (4000 экземпляр) — рочöн. Пытшкöсыс вöлі öткодь.
1958' воӧ перым коминас газетсö лэдзны дугдöмаӧсь. «По ленинскому путиас» сӧмын шочиника сетыштлöмаӧсь коми статтяяс да кывбуръяс.
1991' кӧч тӧлыссянь газет шусьö «Парма». Мукöдкоста материалъяс пондöмаӧсь сетны комиöн. Коми кывтö газетын озö радейты, сы вӧсна мый рочмӧдöм войтыр перым комиöн эз эськӧ лыддьы.
1997' восянь петö коми кывъя быд вежонся содтöд. Медводдзаӧн коми содтöдыс шусис «Лымдорчача», сэсся «Коми говк». Коми гижӧд лöсьöдісны Кольчурин Вась, 2009' восянь — Дульцева Öрина. 2000' вояс пондісны керны комиöн торъя вкладка, но рочмӧдӧм войтырыс пондöмаӧсь шупкавны вкладкасö ("асьныт пö лыддьöтö асланыт пон кыв вылас"), сэсся бöрӧ ковмис керны «Пармаас» сӧмын перым коми листбок.
2009' во помын газетлöн редаксія видчис юралысьяскӧд, сы вӧсна мый унавося редакторлы да сы туйö уджалысьыслы ковмис мунны.
Редакторъяс
[вежны | Вежны кодировкаын]- Копытов Ф.Г. (1926-1927)
- Нефедьев С.Г. (1928-1932)
- Калашников П.М. (1937-1941)
- Хорошев Н.И. (1941-1944)
- Отинова С.С. (1944-1947)
- Гагарин В.Н. (1947-1961)
- Карпов Ф.М. (1961-1967)
- Киприянов А.Н. (1967-1970)
- Мешавкин В.А. (1970-1984)
- Алешков В.Д. (1984-1998)
- Иванов Н.И. (1998-?)
- Власов С.М. (?-2009)
- Радостева О.Н. (2009-2010)
- Зидляев Д.В. (2010-öнöдз)