Перымса Стефан

Стефан Перымса мунö Мöскуаö

Перымса Степан (рочӧн Стефан Пермский, в миру Штэпан Крап; ылӧсас 1340/45, Югдiн - 26 апрель лунын 1396, Мӧскуа) — бурсьылысь, пыртӧма Кристослы эскӧмӧ Коми войтырöс, лӧсьӧдӧма Коми анбур да комиодӧма некымын вичкоса гижӧд. Лӧсьӧдӧма Перым епархия, и лоӧма сэн медводдза епископӧн.

Олӧм туй

Чужис кӧнкӧ 1340 воын Югдiнын. Сылӧн мамыс Мария вӧлі коми ань, айыс Симеон вӧлі роч. Перымса Спепан, коді коми язычникъясӧс велӧдіс эскыны Кристослы, 1372–1375 воясӧ лӧсьӧдӧма коми гижӧд кыв да комиӧдӧма важ славян да грек кывйӧн гижӧм вичко небӧгъяс. Бӧрын сійӧ тані епископӧн лои — Буркывъя Кристос вичколӧн ыджыд мортӧн. Вичко ног кӧ, сылӧн лои "Перымса" содтӧд ним. Кулӧм бӧрас тайӧ мортсӧ дзебисны Мӧскуаса Кремльӧ, да, дыр мысти на, шуисны вежаӧн.