Ульянов Александр Васильевич

Ульянов Александр Васильевич (комиӧн — Паш Вась Ӧльӧксан, 1953) — коми гижысь.

Олан туй

• 1953, кӧч тӧлысь 9 лун — чужис Коми АССР-ын Кулӧмдін сиктын.
• помаліс Дереваннӧй сиктса шӧр школа.
• 1975 — помаліс Коми канмуса педагогика институтысь филология факультетса коми юкӧн.
• 1987 — эштӧдіс Ленинградса вылыс партийнӧй школа.
• Уджавліс «Красное знамя» газетын корреспондентӧн, «Коми му» газетын редакторӧн. Некымын во вӧлі «Войвыв кодзув» журналын шӧр редакторӧс вежысьӧн.
• 1994, вӧльгым тӧлысь — Коми небӧг лэдзанінын директор.
• 1999, вӧльгым тӧлысь — уджалӧ «Эскӧм» небӧг лэдзанінын.

Гижан удж

Медводдза кывбуръяссӧ йӧзӧдіс Кулӧмдiн районса «Парма гор» газетын. Сёрӧнджык кутіс гижны проза. Висьтъясас да очеркъясас восьтӧ коми сикт вӧсна ассьыс дойсӧ, мӧвпалӧ сылӧн аскиалун йылысь. Гижӧдъяссӧ «Сельская жизнь» газет пасйис «Медбур очерк» нимпасын мӧд премияӧн.

1992 воын вуджӧдіс «Челядьлы Библия» да йӧзӧдіс «Коми му» газетын. 1994 воын Александр Ульянов пырис Россияса гижысь котырӧ.

2013 воын Александр Ульянов лои вермысьӧн «Эзысь борд» республикаса литературнӧй конкурсын, мый лӧсьӧдіс Коми Республикаса каналан сӧвет, «Публицистика» нимпасын.

Небӧгъяс

• Сьӧд ар : эссе, висьтъяс, повесьт. Сыктывкар: Коми книжнӧй издательство, 1992. 160 лб.
• Изъя чой : висьтъяс. Сыктывкар: Коми небӧг лэдзанін, 2001. 128 лб.
• Выль керка : висьтъяс. Сыктывкар: Эскӧм, 2003. 212 лб.
• Олӧмыслӧн пыдӧсыс оз тыдав : повесьтъяс, висьтъяс, публицистика юкӧн. Сыктывкар: "Эскӧм" небӧг лэдзанін, 2013. 488 лб.

Наградаяс

• Коми Республикаса Веськӧдлан Котырлысь премиа босьтысь «журналистика» юкӧнын (2008)
• «Эзысь борд» премиа босьтысь «публицистика» юкӧнын (2013)

Ӧшмӧсъяс

• Коми гижысь котыр сайтын А.В. Ульянов йылысь