Керчомъя (Кулӧмдін район)

Керчомъя Керчомъя
Му:	Рочму
Статус:	сикт
республика:	Коми республика
район:	Кулӧмдiн район
Медводдза казьтыштӧм:	1646 во
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	коми, роч
Олысьяс	1437 морт (2007)
Час кытш:	UTC+3+3
Телефон код:	+7 8 2137
Пошта индӧс:	168079
Автомобиль код:	11, 111
Официал сайт

Керчомъя (рочӧн Керчомъя) – Коми Республикаса сикт, Кулöмдiн районысь Керчомъя сикт овмӧдчӧминса шӧрсикт.

Ним артмӧм

Туялысьяс чайтӧны, мый Керчомъя сикт ним артмӧма: «кер» да «чом» кывъясысь, сідзкӧ «керъя чом» (медводдза оланін)

Фольклор

• Керчомъя шуӧны мӧд Украинаӧн: водзынсӧ няньыс бура вӧлі воӧ да.
• Керчомъя сиктсаясӧс нимтӧны кержакъясӧн. Тадзи вӧлі шуӧны Никон кадӧдз Енлы эскысьясӧс (рочӧн: старовер).

География

Керчомъя пукалö Эжва юлöн шуйга бокын. Сиктсянь Кулӧмдін юрсиктӧдз 38 км.

История

• Медводдза йӧз татчӧ овмӧдчылісны сёр неолит кадӧ на: ӧнія сиктсянь лунвылӧджык, Эжва юлӧн шуйга берегын вӧлӧма налӧн сувтланін. Археологъяс серти, йӧзыс тані олісны и «ыргӧн нэмӧ» да весиг «кӧрт нэмӧ».
• 1646 — Медводдзаысь казьтыштӧма переписнӧй небӧгын: «Дер Керчема на реке Вычегде»: ӧти овмӧсын олісны Денис да Сысой Тимофеевич вокъяс. Овсӧ абу индӧма.
• 1678 — Керчомъяын 5 овмӧс, но сэні олысьяс лыдын абу воддза олысьясыслӧн нимъясыс. Ӧти овмӧсын вӧлі олӧ Парфён Фёдорович Лодыгин челядьыскӧд: «... у него дети Евтихейко, Стенька, Карпушка, Мишка, Ивашко, Онтипко ...»; нывъяслысь нимъяссӧ абу индӧма. Мукӧд олысьяслысь овъяссӧ абу пасйӧма.
• 1686 — Керчомъяын кыпӧдісны пу вичко, и грезд лои погостӧн. Тані лоисны вичкоын уджалысьяслӧн овмӧсъяс: поп, дяк, пӧнӧмар да прӧсвирнялӧн.
• 1720 — Керчомъяын 18 овмӧс, индӧма олысьяслысь овъяссӧ. На серти позьӧ шуны, мый йӧзыс воисны Сыктыв да Емва вожысь. Шуам, Золотарёвъяс, Ладановъяс, Лютоевъяс да Лодыгинъяс эмӧсь Сыктыв вожын, а Гичевъяс — Емва вожын.

Медводдза овъяс

• 1678 – Лодыгин
• 1707 – Жикин, Кузнецов
• 1720 – Ваддоров, Воробьёв, Гилев, Золотарёв, Кочанов, Лютоев, Попов, Самарин, Тарабукин

Тöдчана йöз

• Кочанова Дарья – Гражданскӧй тыш дырся героиня, кодӧс еджыдъяс лыйлісны 1919 воын.
• Уляшев Виталий Васильевич (1946) — коми гижысь, журналист.
• Лютоев Николай Александрович (1948) — коми журналист.
• Тимушев Эдуард Алексеевич (1962–2006) – коми поэт, журналист.

Тöдчана эмторъяс

• Иван вичко (рочӧн: храм во имя Предтечи и Крестителя Господня Иоанна).
• Вад ты вылын гожӧмнас быдвося Пыжа гаж

Öтуввез

• Керчомъя сикт овмӧдчӧминса Веськӧдланінлӧн сайт

Öшмöсъяс

• Атлас Республики Коми. – Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• Игнатов М.К. Взгляд сквозь годы. – Сыктывкар: Коми небöг лэдзанiн, 1998. – 224 с.
• Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. – 366 с.
• История Коми с древнейших времен до конца XX века: В 2-х т. / По общей редакцией А.Ф. Сметанина. – Сыктывкар, 2004.
• Республика Коми: Энциклопедия. – Сыктывкар, 1997-2000. – Т. 1-3.
• Сивкова А. Наследие Керчомъи (Хранительницей памяти самобытного коми села стала вчерашняя горожанка Нина Самарина) // Республика, 2012 во, косму тӧлысь 28 лун, 83 № (рочӧн).