Кынев, Михаил Иосифович
| Михаил Иосифович Кынев | |
| Иосип Миш | |
| Чужан лун: |
1890 |
|---|---|
| Чужанін: |
Рӧсияса империя, Вӧлӧгда губерния, Сыктывдін уезд, Пезмӧг сикт |
| Кулан кад: |
1941 |
| Куланін: | |
| Канму: |
|
| Мыйся уджыс: | |
.svg){kind=small}
Иосип Миш (рочӧн Кынев Михаил Иосифович; 1890, Пезмӧг — 1941, Павловск) — медводдза коми серпасалысь.
Дзолядыр да велӧдчӧм
[вежны | Вежны кодировкаын]Чужис Пезмӧг сиктын 1890-ӧд воын кресьтянин котырын. 1909-ӧд воын помаліс Петыркарса Императорлӧн художествоа академияын серпасалӧм кузя класс Ян Франциевич Циангшинский жырйын, тшӧтшжӧ кывзіс сэні вылыс военнӧй курсъяс. Наталья нылыслӧн кывъяс серти радейтіс му кузя ветлӧдлыны, медъёна кыскис сійӧс Войвыв, да сы понда сійӧ тшӧкыдджыка серпасаліс вӧр-ва. 1916-ӧд воын сійӧ босьтӧма вӧлі Кексгольмса Лейб-гвардия полкӧ.
Сыктывкарын олӧм
[вежны | Вежны кодировкаын]1919-ӧд воын оліс Сыктывкарын, сэки чужис сылӧн Катя ыджыдджык ныв. 1918—1919-ӧд воясын уджаліс Сыктывкарын улыс тшупӧда училишшӧын серпасалӧм велӧдысьӧн. Сэки серпасаліс плакатъяс ӧтйӧза организасіяяс корӧм серти. Пезмӧгын айыслӧн горничаын ӧшалісны Кынев Михаиллӧн ас портрет да Исакиевса соборлысь серпас.
1919-ӧд воын Нёбдінса Витторлӧн «Ыджыд мыж» ворсӧмторлы вӧчӧдіс нардомса сцена. 1977-ӧд воын Илля Вась тайӧс казьтывлӧма:
Колис 58 во, но век на син водзын сценавывса декорацияыс: коми сикт, ыджыд крестьянскӧй керкаяс, и ставсӧ петкӧдлӧма югыда.
1920-ӧд воын «Том коммунар» Сыктывкарса комсомольскӧй клублы серпасаліс знамя, сэні гижис «Том, ён, збой йӧз — батьяслысь уджсӧ помалам!» лозунг. Шутов да Покровская тайӧ клубӧ пырысьяслы вӧчис портретъяс.
Сідзжӧ оліс Ыджыд Из дорын, Перымын, Кавказын.
Петыркарӧ бӧр воӧм
[вежны | Вежны кодировкаын]Регыд бӧр воисны Петыркарӧ, да тшыгъялӧмыс вӧтліс найӧс Сибырӧ. Сэні Кынев аслас гӧтырыскӧд велӧдісны школаын. Гӧтырыслӧн тшӧтш велӧдіс серпасалысьӧн. 1932 воын овмӧдчисны бӧр Ленинградӧ. Сэки Кынев тшӧкыдджыка вӧчаліс фотосерпас, химикатъяскӧд да эмульсияяскӧд экспериментъяс. Сійӧ сяммылӧ быд пӧлӧс фотография вуджӧдны дӧра вылӧ, ыдждӧдлывліс снимокъяссӧ 1,5–2 метрӧдз. Тадзсӧ сійӧ кӧсйис чукӧртны ыджыд серпасалысьяслысь уджъяс, медым экзпозисіяссӧ нуны районъяссӧ, но эг удит Айму вӧсна Ыджыд тышӧдз.
1941-ӧд воын Михаил Иосифович аслас гӧтырыскӧд висьмӧны да кувсьӧмаӧсь медводдза тӧвнас кытшалӧм Ленинградын. Став сылӧн вӧчӧмтор сотчис, кор фашистъяс локтісны Ленинградӧ. Сэки налӧн Наталья ичӧтджык нывлы вӧлӧма 16 арӧс.
Ӧшмӧс
[вежны | Вежны кодировкаын]- Митюшева Н.А. Овлома татшӧм художник. // Войвыв кодзув. — 1977. — 2 №-а. — 57-58 лб.