Крокодил
Крокодил (латинӧн Crocodilus) — эузуки кладаса мӧдсикасса-васа веглясьысь пемӧс, сідзжӧ крутотарсі да псевдозуки кладаса.
Важ геология кадколастын овлісны уна сикас крокодил. Ӧнія кадын эм 23 сикас.
Нимыс
[вежны | Вежны кодировкаын]«Крокодил» кыв артмӧма κροκόδειλος («крокодил», «дзодзув») важ грек кывйысь. Κροκόδειλος кывйыс, чайтӧны, артмӧма κρόκη δεῖλος («галькаса нидзув») кывйысь, сы понда мый крокодилъяслӧн да лэбачьяслӧн сьӧмыс галькаяс кодь.
Паськалӧм
[вежны | Вежны кодировкаын]Тушалӧн сложнӧй тэчасног сертиыс крокодилъяс — вылі ӧнія веглясьысьяс пӧвстын. Налӧн сьӧлӧмыс нёль камераа, вежӧсыс сьӧлӧм кынӧмъяссӧ дзикӧдз торйӧдӧ да, венаса вир оз сорлась сьӧлӧм артериясакӧд. Крокодилъяслӧн став ыджыд тушаыс, коді овлӧ 6 мертӧдз кузьтанас, вевттьӧма зэв ён пансырӧн лы пластинкаясысь, кодъясӧс вылысяньыс вевттьӧма сюр сьӧмъяс.
Оласног
[вежны | Вежны кодировкаын]Крокодилъяс олӧны тыясын да юясын тропик обласьтъясын Азияын, Америкаын да Австралияын. Крокодилъяс — яй сёйысьяс; найӧ ӧдйӧ да пелька вартчӧны ваын. Кыйӧны посньыд и гырысь пемӧсъясӧс; найӧ усьласьӧны мукӧддырйи и йӧз вылӧ. Крокодилъяс унджык кадсӧ колльӧдӧны ваын, но колькъяссӧ пӧсь лыа пытшкӧ. Колькйысь петӧм бӧрын том крокодилъяс пырысь-пыр мунӧны ваӧ. Жар лунъясӧ крокодилъяс часъясӧн пӧжсьӧны лыа вадорын, но сӧмын кутшӧмкӧ лоӧ тревога, найӧ зэв укшаля пырӧны ваӧ — сэні найӧ озджык повны, сэні найӧ сюсьӧсь, пелькӧсь. Крокодил оз вермы дыр овны ваын. сылы ковмылӧ кадысь-кадӧ чургӧдлыны ассьыс нырсӧ ваысь, медым босьтны тыясас сӧстӧм сынӧд.
Ӧшмӧсъяс
[вежны | Вежны кодировкаын]- М. Я. Цузмер. Зоология: шӧр школаын велӧдчан книга: 6-7 во велӧдчысьяслы. — Сыктывкар: Коми госиздат, 1933. — 108—109 л.б.