Костромина Ия Николаевна

Костромина Ия Николаевна
Чужан лун:	1931-ӧд вося тӧвшӧр тӧлысь 4-ӧд лун(1931-01-04)
Чужанін:	Лыаты, Кӧжмудор сикт овмӧдчӧмин, Емдін район, Коми (Зыряна) асвеськӧдлан обласьт, Северный край[d], РСФСР[d], Сӧветскӧй Социалистическӧй Республикаяслӧн Союз
Кулан кад:	2012-ӧд вося косму тӧлысь 3-ӧд лун(2012-04-03) (81 ар)
Куланін:	Сыктывкар, Рочму
Мыйся уджыс:	лингвистка

Костромина Ия Николаевна (комиӧн – Микол Ия, 1931—2012) — коми кыв туялысь.

Олан туй

Ия Костромина чужӧма 1931-ӧд вося тӧвшӧр тӧлысь 4-ӧд лунӧ Коми АССР-ын (ӧні – Коми Республика) Емдін районса Лыаты грездын. 1951-ӧд воын помалӧма Емдінса педагогика училишӧ. Уджалӧма Помӧсдін районса (ӧні – Кулӧмдін районын) подув школаясын. 1958-ӧд воын помалӧма Коми канмуса педагогика институтысь история-филология факультет да уджалӧма шӧр школаясын. 1966–1967 воясын – Коми АССР-са Совминын архив юкӧнын старшӧй инспектор.

1967-ӧд вося ӧшым тӧлысьын пырӧма уджавны СССР-са наукаяс академиялӧн Коми филиалӧ кыв да литература юкӧдӧ. Пенсия вылӧ петӧма 1986-ӧд воын.

Кулӧма 2012-ӧд вося косму тӧлысь 3-ӧд лунӧ Сыктывкар улӧ пырысь Улыс Чов посёлокын пӧрысьяслӧн керкаын.

Туясян удж

Ия Костромина туялӧма коми кыв туялӧмлысь история, кыв артмӧм да гижанног. Йӧзӧдӧма 40 сайӧ удж. Пуктӧма пай кывкудъяс дасьтӧмӧ, чукӧртӧма материал, медым йӧзӧдны «Краткий этимологический словарь коми языка (авторъяс – Илля Вась да Е. С. Гуляев). Чукӧртӧма материал Иван Куратовлысь небӧгсӧ йӧзӧдӧм вылӧ (1979). Гижӧма торъя юкӧн «Ӧнія коми кыв. Кыв артмӧм» небӧгын (1985). 1974-ӧд восянь 1998-ӧд воӧдз корсьӧма коми кывйысь XIX нэмся уджъяс.

Наградаяс

• «Уджвывса ветеран» медаль (1985)
• «1941–1945 воясся Айму вӧсна Ыджыд тышын уджысь» медаль (1995).

Ӧшмӧсъяс

• Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. – Сыктывкар, 2000. – 212 с.