Королёв Клим Степанович
| Королёв Клим Степанович |
Королёв Клим Степанович (1940—2017) — коми археолог, история наукаясса кандидат, общественник.
Олан туй
[вежны | Вежны кодировкаын]Клим Королёв чужӧма 1940-ӧд вося тӧвшӧр тӧлысь 8-ӧд лунӧ Сыктывкарын. Велӧдчӧма Коми канмуса педагогика институтысь физика-математика факультетын (1957—1961). 1962-ӧд воын пырӧма уджавны СССР-са наукаяс академияысь Коми филиаллӧн этнография да археология юкӧдӧ: вӧлӧма лаборантӧн. 1971-ӧд воын помалӧма уджысь орӧдчытӧг Коми пединститутын история факультет.
Кулӧма 2017-ӧд вося ӧшым тӧлысь 7-ӧд лунӧ Сыктывкарын.[1]
Туясян удж
[вежны | Вежны кодировкаын]1974-ӧд восянь босьтчӧма котыртны экспедицияяс Эжва вожын. Восьтӧма да туялӧма важ да шӧрнэмся археологияса памятник, кодъяс отсалӧмаӧсь гӧгӧрвоны коми йӧзлысь историясӧ.
1994-ӧд воын Удмуртияса канму университетын дорйӧма история кандидат ним вылӧ диссертация, темаыс — «Долина средней Вычегды в эпоху раннего железа и средневековья».
Йӧзӧдӧма 200 сайӧ туясян удж, на лыдын 15 монография. Мукӧдыскӧд ӧтвылысь дасьтӧма Коми мулысь археология мусерпас, «Коми Республикаса история атлас» велӧдан небӧг.
Общественнӧй удж
[вежны | Вежны кодировкаын]К.С. Королёв водзмӧстчис коми войтырлысь медводдза съездъяс котыртӧмын.
Небӧгъяс
[вежны | Вежны кодировкаын]- Королев К. С. Угдымский археологический комплекс на Средней Вычегде (эпоха железа) / ИЯЛИ Коми НЦ УрО РАН. — Сыктывкар: Коми научный центр УрО РАН, 2002. — 108 с.
- Королев К. С. Предки коми-зырян на средней Вычегде (XI-XIV вв.). — Сыктывкар: Коми научный центр УрО РАН, 2013. — 89 с.
- Королёв К. С. Археология от А до Я: словарь для школьников / худож. В. В. Токарев, Н. К. Загорянский. — Сыктывкар : Коми книжное издательство, 2017. — 88 с.
Ошканпасъяс
[вежны | Вежны кодировкаын]- Коми Республикаса нимӧдана уджалысь
- Коми Республикаса канму премия босьтысь
- «Уджвывса ветеран» медаль
- СССР-са да Россияса наукаяс академиялӧн Почёта грамота
- Коми АССР-са министр Сӧветлӧн да Коми Республикаса Почёта грамота
Ӧшмӧсъяс
[вежны | Вежны кодировкаын]- Ученые Института языка, литературы и истории Коми научного центра УрО РАН: Биографический справочник / Сост. И. Л. Жеребцов. — Сыктывкар, 2000. — С. 68—69.
Ыстӧдъяс
[вежны | Вежны кодировкаын]- ↑ [На 78-м году жизни в Сыктывкаре скончался археолог Клим Королёв // «Комиинформ» юӧр сетан агентство (рочӧн; 2017.12.08-ӧд лун)]