Коми Республикаса канпас
(водзӧ ыстӧма «Коми республикалӧн канпас»ысь)
Коми республикаса канпас — Коми Республикаса канму символ. Вынсьӧдӧма 1994 вося лӧддза-номъя тӧлысь 14 лунӧ. Регистрируйтӧма 153 № улын Россияса Геральдика регистрын.
Канпасын эм унатор важ коми мифологияысь да вӧчӧма перым пемӧс стильын. Канпассӧ серпасалігӧн вӧлі подуласьӧма шевкнитӧм бордъяса зарни лэбач вылӧ, кодлӧн морӧсас квайт йӧра юр кытшын аньлӧн чужӧм.
Коми йӧзлӧн эскӧмъяс серти, татшӧм лэбачыс гӧгӧрвосьӧ кыдзи шонді, медвылыс власьтлӧн символ. Нывбабалӧн чужӧмыс — Зарни аньлӧн чужӧм. А йӧра — тайӧ вынйӧра да аслыссикас чужӧм.
Шевкнитӧм бордъяса лэбачыс быттьӧ артмӧдӧ перна. Сійӧс позьӧ гӧгӧрвоны и кыдзи канму да духовнӧй власьтлысь пас.