Коми республикаса дӧрапас
Коми Республикалöн дöрапас — Коми Республикалöн каналан символъясысь öти. Дöрапасыс куим рӧма: лӧз, турунвиж да еджыд. Лӧз рӧмыс — Коми мулӧн енэжыс, турунвиж рӧмыс — Коми парма-вӧр, еджыд рӧмыс — лым да республикаса йӧзлӧн сӧстӧм мӧвпъясыс.
Вылöм
[вежны | Вежны кодировкаын]- 1937 во — «Р.С.Ф.С.Р.» да «Коми А.С.С.Р.» комиӧн да рочӧн гижӧдъясаа дӧрапас вынсьӧдӧм;
- 1938—1954-ӧд вояс — «РСФСР» да «КОМИ АССР» гижӧдъясаа (ӧткодьӧсь рочӧн да комиӧн);
- 1954 вося рака тӧлысь 16-ӧд лун — РСФСР-лӧн дӧрапас вежӧм серти вежис и Коми АССР-са;
.svg)
.svg)
- 1991-ӧд вося вӧльгым тӧлысь 26-ӧд лун — Коми ССР-са Вылыс Сӧвет вынсьӧдіс ӧнія дӧрапассӧ.
- 1994-ӧд вося лэддза-номъя тӧлысь 6-ӧд лун — Коми Республикаса дöрапас йылысь оланпас вöлі лэдзöма[1]. Медводз кузьтаыс вöлі кыкпöв унджык пасьтаысь.
- 1997-ӧд вося öшым тӧлысь 17-ӧд лун — дӧрапассӧ вежыштöмаöсь [2], кузьта да пасьта костын торъялöмыс лои 3:2. Тадзи сійöс пыртöмась Рочму Федерациялöн канувса геральдика регистрö 154 нумерöн.
- 2015-ӧд воын «Миян Коми Му» ӧтмунӧмлӧн нырччысьяс вӧзйӧмаӧсь вежны куим рӧма дӧрапассӧ скандинав пернаа вылӧ.[3]
Канлöн гижалöм
[вежны | Вежны кодировкаын]Веськыд пельöса дöра, мый артмö кузьта ногöн вылісянь уліöдз öта-мöд бöрся лöз, турунвиж да еджыд куим визьысь, быдöн пасьтанас дöрöмпаслöн öти коймöд пасьта.
Дöрапаслöн пасьтаыс кузьта серти — 2:3.
Дöрапаслöн серпасыс петкöдлö Коми Республикалысь географическöй аслыспöлöслун да вöр-ва озырлун.
Лöз рöмыс петкöдлö енэж, войвывса паськыдінъяслысь мичлунсö да помтöмлунсö.
Турунвиж рöмыс — лача да озырлун, паськыд ота коми парма - коми войтырлысь медшöр озырлунсö да олан гöгöртассö.
Дöрапаслöн еджыд рöмыс петкöдлö лымлысь еджыдлунсö да сöстöмлунсö, войвывса вöр-валысь сöдзлунсö да мичлунсö, Войвылö Коми Республикалысь пырöмсö. Еджыд рöмыс гöгöрвосьö и кыдзи республикаын олысь уна сикас войтырлысь равенствосö, налöн культураяслысь öтувъялунсö.
Öшмöс
[вежны | Вежны кодировкаын]Ыстöдъяс
[вежны | Вежны кодировкаын]- ↑ Коми Республикаса оланпас N XII-20/3
- ↑ Коми Республикаса оланпас N 47-РЗ
- ↑ Елена Воробьёва | «Комсомольская правда»-лӧн сайт. Активисты предлагают сменить флаг в Коми. KP.RU - сайт «Комсомольской правды» (2015-ӧд вося йирым тӧлысь 6-ӧд лунся).