Перейти к содержанию

Коми КВН (конкурс)

Содтыны ыстӧгъяс
Босьтӧма Wikipediaысь

Коми КВН — республика тшупӧда комиӧн шмонитны радейтысьяслӧн конкурс, нуӧдсьӧ ӧтчыдысь кык вонас Коми муын 2003 восянь. Лӧсьӧдӧма рочьяслӧн КВН (Конкурс весёлых и находчивых) серти.

Коми кыв вылын КВН, кыдзи республика тшупӧда конкурс, медводдзаысь нуӧдісны 2003 воын.

Конкурс муніс «Менам Муза абу вуза» тема улын. VII-ӧд республикаса конкурсын петкӧдчис 8 команда 4 районысь да 2 карысь — Укваысь да Сыктывкарысь. Донъяліс 7 морта жури. Конкурс нуӧдысь Анжелика Елфимова.

Вермысьяс: 1. «Лючки-ладнӧ» (Укваса том войтыр). 2. «Изьваса бандерлогъяс» (Изьва районса Краснобор). 3. «КилоМЕТРъяс» (Сыктывкарса коми журналистъяслӧн котыр).[1]

Конкурс нуӧдісны искусствояс гимназияса концертасян жырйын. Ворсӧмыс артмис кык ордйысьӧмысь: «Шылада гортса удж» да «Кывпесӧм».

Медводдза местасӧ босьтіс «Скӧрӧдумсаяс» котыр, мӧдсӧ — Сыктывкарысь «КилоМэтръяс», коймӧдсӧ — Укваысь «Лючки-ладнӧ».

Ворсӧмын муніс «Шойччӧй-шонтысьӧй, пуксьӧй-ошйысьӧй» ним улын да вӧлі сиӧма Россияын театрлы волы да вужвойтыр кывъяслӧн ставмирса волы. Медводдза лунас вӧлі семинар, кӧні мукӧдсӧ велӧдіс Коми республикаса КВН ӧтмунӧмӧн веськӧдлысь Александр Корзун, Коми КВН нуӧдысь Анжелика Елфимова да «Скӧрӧдумсаяс» котырса капитан Игорь Князев. Ворсӧмын муніс Искусствояс гимназияса концертасян жырйын.

Донъялысьяс: Виктория Пименова, Иван Шахов, Валентина Самарина, Алексей Рисков, Василий Чупров.

Фестивальӧ пырӧдчис 10 котыр: Кулӧмдін районса Скӧрӧдумысь «Скӧрӧдумсаяс» да «ШОК», Кӧрткерӧс районса Одыб сиктысь «Одыбса репас» да «Коланторъяс», Изьва районысь «Бандерлогъяс», Сыктывкарысь коми журналистъяслӧн «КилоМэтръяс», «Антибольгысьяс» (коми том войтырлӧн «МИ» котыр), «Юркарса вак-вакъяс» (Искусствояс гимназияысь велӧдчысьяс), «Эжвайывса бабаяс» (медводдзаысь). Перым Коми кытшысь локтіс «Ёгвуси» котыр.

Вермасисны сӧмын ӧти конкурсын — «Ок, и гажа кӧча мач!» шылада фристайлын. Вермысьӧн лои «Эжвайывса бабаяс» котыр, мӧдӧн — «КилоМэтръяс», коймӧдӧн — «Скӧрӧдумсаяс».[2]

Вермасьӧм муніс «Сё арӧсыд ӧтчыд нэмнас овлӧ» пас улын да вӧлі сиӧма Коми артмӧмсянь 100 вося тшупӧда паслы.

Донъялысьяс: Роман Носков, Виктория Пименова, Елена Иванова, Андрей Терентьев да Алёны Сметанина.

Ордйысис 8 котыр: Перым Коми кытшысь «Ёгвуси» котыр (вичмис «Пӧшти рака пиян» нимпас), Кӧрткерӧс районса Одыб сиктысь велӧдысьяслӧн «Одыбса репас» («Ныриса рака пиян»), Кулӧмдін районысь «Скӧрӧдумсаяс» («Вылын юра рака пиян» нимпас); Печораысь «Рӧмпӧштан» да коми том войтырлӧн «МИ» котырлӧн «Комод»" — медводдзаысь пырӧдчисны Коми КВН-ӧ.

Медводдза местаын («Медся серамбана рака поз» нимпас) лои Сыктывкарысь «КилоМэтръяс» котыр, мӧдӧн — Изьва районса «Бандерлогъяс», коймӧдӧн — «Эжвайывса бабаяс». Медбур ворсысьӧн шуӧма «Коми му» газетса журналист Павел Симпелевӧс.

Конкурс муніс «Велöдчöй, челядь, югдöдöй юр!» девиз улын. Командаяс ордйысисны 2 конкурсын: 1. Гортса удж – «Пуксьы, «5»! 2. Шылада петкöдчöм — «Дышлы ньöр, зiльлы — зöр».

Ворсісны «Сыктывкар» концертасян жырйын.

Вермасисны 10 котыр: Кулӧмдін районса Скӧрӧдумысь «Скӧрӧдумсаяс», Кӧрткерӧс районса Одыб сиктысь «Одыбса репас» да «Коланторъяс», Висер сиктысь «Едрит-кудрит», Изьва районысь «Бандерлогъяс», Сыктыв районса Визинысь «Сыктыв сукаръяс», Сыктывкарысь коми журналистъяслӧн «КилоМэтръяс», Печораысь «Пым йӧз» да «Рӧмпӧштан». Перым Коми кытшса Кудымкарысь «Кашкавда» котыр.

Медводдзаӧн лоис «Коланторъяс» котыр, мӧдӧн «Скӧрӧдумсаяс», коймӧдӧн — «КилоМэтръяс».

2025-ӧд воын конкурс муніс «Сыктывкар» концертасян жырйын «Ӧтувъя вынӧн быд лёкысь мынам!» тема серти да вӧлі сиӧма Герой волы. Котыръяс ордйысисны 2 конкурсын: «Абу полысь рӧдысь» чолӧмасьӧмын да «Майбырыд ас саяд» тема серти куим морта шмоньын (СТЭМ).

Донъялісны петкӧдчӧмъяссӧ вит морт: Виктория Пименова, Иван Шахов, Наталья Шахова, Надежда Быковская, Инесса Орёл. Конкурссӧ медводдзаысь нуӧдіс Виктория Агаркова, коді таӧдзыс вӧлі ворсӧ «Эжвайывса бабаяс» котырын.

Ордйысисны 6 котыр: Кулӧмдін районса Скӧрӧдумысь «Скӧрӧдумсаяс» да «ШОК», Кӧрткерӧс районса Висер сиктысь «Едрит-кудрит», Изьва районысь «Бандерлогъяс», Сыктывкарысь коми журналистъяслӧн «КилоМэтръяс», Перым Коми кытшса Кудымкарысь «Кашкавда» котыр.

Медводдзаӧн лоис «КилоМэтръяс» котыр, мӧдӧн «Скӧрӧдумсаяс», коймӧдӧн — «Кашкавда». Медбур ворсысьыс — «Скӧрӧдумсаяс» котырысь Анфиса Чисталёва.[3]

  1. ↑ Рассыхаев А. Коми КВН // «7х7 журнал» (2015.11.29; рочӧн)
  2. ↑ IX Республиканский КВН на коми языке соберет несколько поколений юмористов // «Комиинформ» юӧр сетан агентство (рочӧн; 2019.11.11-ӧд лун
  3. ↑ Нестерова А. Ӧтувъя вынӧн быд лёкысь мынам // Коми му, 2025. Ӧшым тӧлысь 11-ӧд лун, 50№.
Босьтӧма "https://kv.wikipedia.org/w/index.php?title=Коми_КВН_(конкурс)&oldid=147813"-ысь