Кедвавом сиктса шӧр школа (Уква кар)

Босьтӧма Wikipediaысь

Кедвавом сиктса школаУква карса Кедвавом сиктысь велӧдчанін.

История[вежны | Вежны кодировкаын]

Выль школа восьтытӧдз кедваса челядь велӧдчисны поп керкаын, вӧвлӧм вичкоын. Ӧнія школасӧ лэптісны войнаӧдзса да войнадырся кадӧ: 1939 – 1941 воясын. Школа стрӧитӧм вылӧ вӧрсӧ новлӧдлісны Арчаді участоксянь да Изьва юлӧн шуйга берегсянь. Унаӧн на пиысь, кодъяс стрӧитісны школасӧ, пӧгибнитісны Айму вӧсна ыджыд тышын.

Вӧйна кадӧ школасӧ ёнджыкасӧ стрӧитісны олӧма аньяс да мужичӧйяс, кодъясӧс эз босьтны фронт вылӧ арлыд серти: Вокуев Павел Андреевич, Сметанина Ефросинья Васильевна да уна мукӧд.

Медводз школаыс вӧліс сизим класса. 1962 воын школаыс лоис 8 классаӧн. Кедваӧ волісны велӧдчыны орчча сикт-грездъясысь: Поромӧсь грездысь, Винла грездысь, Порожск грездысь, Кой-Ю посёлокысь. Олісны патераясын, интернатын. Тӧвнас пемыд вӧснаыс велӧдчисны 10 чассянь. Воысь воӧ школаыс выльмис-мичаммис, ыдждіс, школа дорӧ стрӧитісны пристройкаяс, котельнӧй. 1990 воын школаыс шусис абу тырвыйӧ шӧр школаӧн, 1994 воӧдз – шӧр школаӧн. 1994 восянь Ухта карса Администрациялӧн 20.06.94 вося шуӧмӧн Кедвавом сиктын восьтісны шӧр школа.

Директоръяс[вежны | Вежны кодировкаын]

1930 восянь 1938 воӧдз - Колмаков Евгений Федосеевич;

1938 восянь 1939 воӧдз - Витязев Иван Семёнович;

1940 восянь 1941 воӧдз - Пунегова Анна Фёдоровна;

1941 восянь 1943 воӧдз - Попов Дмитрий Фотиевич;

1943 восянь 1944 воӧдз - Чувьюрова Раиса Георгиевна;

1945 восянь 1946 воӧдз - Колмаков Евгений Федосеевич;

1946 восянь 1947 воӧдз - Старцев Семён Михайлович;

1948 восянь 1956 воӧдз - Балин Михаил Александрович;

1956 восянь 1970 воӧдз - Рочева Нина Ивановна;

1970 восянь 1977 воӧдз - Филлипов Альберт Егорович;

1977 восянь 1979 воӧдз - Машин Игорь Серафимович;

1979 восянь 1986 воӧдз - Глухов Юрий Витальевич;

1986 восянь 1987 воӧдз - Дуркина Людмила Дмитриевна;

1987 восянь 1992 воӧдз - Жукова Валентина Михайловна;

1992 восянь 2006 воӧдз - Рочева Надежда Остаповна;

2006 восянь - Сас Марта Алевсеевна

Ӧшмӧсъяс[вежны | Вежны кодировкаын]

- Архивнӧй источникъясысь, (Изьваса районнӧй муниципальнӧй архивысь, Уква карлӧн архивысь).

- Балина Нина Евгеньвналӧн казьтылӧмъяс (уна во уджаліс велӧдысьӧн Кедвавом сиктса школаын).

Ыстӧдъяс[вежны | Вежны кодировкаын]