Кальматкина Лариса Михайловна
Кальматкина Лариса Михайловна (1972) — коми гижысь, драматург. Гижӧ комиӧн да рочӧн.
Олан туй
[вежны | Вежны кодировкаын]Лариса Кальматкина чужӧма 1972-ӧд вося косму тӧлысь 20-ӧд лунӧ Сыктыв районса Гагшор сиктын. Помалӧма Сыктывкарса канму университетысь история факультет (1996 во). Кык во велӧдӧма Сыктыв районса Поёл шӧр школаын история, роч кыв да литература, а сэсся 25 во уджалӧма «Маяк Сысолы» районса газет редакцияын (корреспондентӧн, редакторӧс вежысьӧн).
2019-ӧд восянь уджалӧма Сыктыв районса история да культура музейын эмбуръяс видзысьӧн. 2022-ӧд восянь уджалӧ Сыктыв районса Визин шӧр школаын содтӧд тӧдӧмлун сетан педагогӧн: нуӧдӧ журналистикаысь, театрысь да музейнӧй уджысь кружокъяс.
Гижан удж
[вежны | Вежны кодировкаын]Лариса Кальматкина гижӧ комиӧн да рочӧн кывбуръяс, проза да драматургия.
Гижан уджсӧ панӧма кывбуръяссянь, кодъясӧс вӧлі йӧзӧдӧма Сыктыв районса асшӧр гижысьяслӧн чукӧръясын: «У каждого своя дорога», «Я не знаю другой такой земли», «Шудӧй, шудӧй», «Сыктыв му...». Сылӧн кывъяс вылӧ дас сайӧ сьыланкыв гижӧма шылад тэчысь Марк Новосёлов да шылад велӧдысьяс.
1996-ӧд восянь босьтчӧма гижны висьтъяс: «Я никогда не увижу Парижа», «Посмотрю, и всё», «Зимним вечером», «Были декабри и теплее». Висьтъяссӧ вӧлі йӧзӧдӧма «Арт», «Войвыв кодзув», «Ротонда» да «Дальний Восток» журналъясын. Гижӧдъяыс петавлӧны «Белый бор» (Сыктывкар), «Новое слово» (Москва), «Битва» (Москва) альманахъясын, мукӧд небӧгын. Петавлісны «Ларины истории» да «Зима не всегда была белой» висьт чукӧръяс.
Газет редакцияын уджалігӧн кызь сайӧ во абу гижӧма.
Лариса уджалӧ драмаа гижӧдъяс дасьтӧмын. Сылысь пьеса-комедияссӧ пуктӧны Коми республикаса йӧзкостса театръяс. Спектакльяссӧ петкӧдліс Визин сиктысь «Шоныд рыт» театрса студия, кӧні Л. М. Кальматкина режиссёралӧ. «Марго да колье» пьесасӧ вӧлі йӧзӧдӧма «Театральная премьера» альманахын.
Гижӧ сідзжӧ челядьлы висьтъяс да мойдъяс. Ныв-зонлы небӧгъяссӧ вӧлі йӧзӧдӧма Сыктыв районса Шӧр небӧгаин отсӧгӧн: «Цветы зимой» (2011), «Жираф» (2021), «Боря Синицын и чудо-птицы» (2023), «Три свадьбы и Новый год» (2024). «Боря Синицын и чудо-птицы» мойдыс шедӧдӧма 1-дза места «Алиса – 2023» войтыркостса конкурсын («Челядьлы медбур висьт» нимпасын).
Лариса Кальматкина пырӧдчылӧма «Славянское слово», «Гений места» да «Алиса» войтыркостса конкурсъясӧ, «Эзысь борд» да «Ас йӧз» республикаса конкурсъясӧ.
Россияса журналист котырӧ пырысь, Россияса гижысь котырӧ пырысь (2024).
Небӧгъяс
[вежны | Вежны кодировкаын]Ошканпасъяс
[вежны | Вежны кодировкаын]- «За безупречную службу Республике Коми» пас