Игорь поход йылысь кыв

Васнецов В.М.-лӧн 1880 вося «Игор Святославовичлӧн половечьяслы паныд кось бӧрын» серпас

«Игорь поход йылысь кыв» (важ рочӧн «Слово о пълкѹ игоревѣ. игорѧ сына свѧтъславлѧ. внѹка ольгова»; ӧнія рочӧн «Сло́во о похо́де И́гореве, И́горя, сы́на Святосла́вова, вну́ка Оле́гова») — важ роч литературалӧн памятник. Сэні висьталӧма Игорь Святославович новгород-северскӧй князьлӧн половечьяслы паныд 1185-ӧд вося поход йылысь. Гижысьыс абу тӧдса.

Аддзӧм да медводдза йӧзӧдӧм

Медводдза йӧзӧдӧмтор (1800-ӧд вося)

1780-ӧд воясӧ Художествояс академияса президент, тӧдчана история-археология туялысь, важ роч киӧн гижӧмторъяс чукӧртысь Мусин-Пушкин Алексей Иванович граф (1744-1817) ньӧбис Иоиль вӧвлӧм Спасо-Ярославскӧй манастырса архимандритлысь важ роч киӧн гижӧмторъяс да на лыдын «Игорь поход йылысь кыв». Мусин-Пушкин А.И. Малиновский А.Ф. да Бантыш-Каминский Н.Н. сійӧ кадся тӧдса история-кыв туялысьяскӧд гижӧдсӧ сэкся роч кывйӧ вуджӧдісны, гижисны колана гӧгӧрвоӧдӧмъяс да 1800-ӧд воын йӧзӧдісны Мӧскуаын. Сэк жӧ зэв важ роч кывъя гижӧд вылысь вӧчисны копия Мӧд Екатерина империторлы.Наполеонлы паныд тыш дырйи 1812-ӧд воын «Игорь поход йылысь кывлӧн» киӧн гижӧмторыс да йӧзӧдӧм гижӧдлӧн ыджыдджык юкӧныс сотчис.

Торлопов Георгий «Игорь поход йылысь кыв» гижысь йывсьыс шуис:

«Гижӧдыслӧн авторыс абу тӧдса. Но коді кӧть сійӧ эз вӧв — Черниговса либо Киевса олысь, дружинник либӧ князьлы отсасьыс, — сійӧ, кыв шутӧг, вӧлі образованнӧй морт, коді бура тӧдіс сійӧ кадся литература да народнӧй творчество и кужӧмӧн да пыдісянь петкӧдліс став роч йӧзлысь интересъяссӧ, сьӧлӧмсянь чуксаліс князьясӧс ӧтувтчыны да дорйыны Роч му,».

Вуджӧдӧмъяс

1985-1986 воясӧ вӧлі пасйӧма важ литература паметниклы 800 во тыр. 1986-ӧд вося тӧвшӧр тӧлысь 21-23-ӧд лунъясӧ Мӧскуаын муніс канмукостса конперенсія, кодӧс вӧлі ССРС-са да мукӧд канмуясса кывъясӧ «Игорь поход йылысь кыв» вуджӧдӧмлы. Конперенсіяын уджалісны туялысьяс, кывбуралысьяс, вуджӧдчысьяс Рӧсияысь гырысь каръясысь, сідзжӧ суйӧрсайса 25 канмуысь. Мойвиис комиӧдысьяслы сэні участвуйтны.

2001-ӧд воын Торопов Георгий «Игорь поход йылысь кыв» «Парма» журналӧ содтӧм небӧгын йӧзӧдіс роч литературалӧн паметниклысь аслас комиӧдӧмторсӧ.

Ӧшмӧсъяс

• Торлопов Г. Водзкыв // Игорь поход йылысь кыв.("Парма" журналлӧн ичӧт библиотека). — Мӧскуа: Парма. — 3-5 лб.