Гольдштейн Ростислав Эрнстович
| Гольдштейн Ростислав Эрнстович | |
 | |
| Чужан лун: |
1969-ӧд вося рака тӧлысь 15-ӧд лун (56 арӧс) |
|---|---|
| Чужанін: | |
| Канму: | |
| Мыйся уджыс: |
политик, государственный деятель, депутат Государственной думы Российской Федерации |
| Ошканпасъяс да премияяс: |
  |
 Гольдштейн Ростислав Эрнстович на Викискладе | |
Гольдштейн Ростислав Эрнстович (1969) — россияса канморт, депутат (2007—2015), Коми Республикаса Юралысь (2024-ӧд восянь). «Ӧтувъя Россия» ютырӧ пырысь.
Олан туй
[вежны | Вежны кодировкаын]Ростислав Гольдштейн чужӧма 1969-ӧд вося рака тӧлысь 15-ӧд лунӧ Калинин (ӧні — Твер) обласьтса Селижарово посёлокын. Шӧр школа помалӧма Сахалинын. 1986 воын уджалӧма слесарӧн Сахалинскӧй ГРЭС-ын. 1987—1989-ӧд воясын служитӧма армияын. Армияын служитӧм бӧрын водзӧ уджалӧма Сахалинскӧй ГРЭС-ын, сэсся «Дальэнергомонтаж» трестлӧн Южно-Сахалинскӧй монтажнӧй управлениеын монтажникӧн.
Комиын
[вежны | Вежны кодировкаын]Коми Республикаӧ вуджӧм бӧрын уджалӧма Ухта карын «Северпрогресс» акционер котырын (1990—1991) да «АмКоми» ӧтувъя предприятиеын (1991—1992) шоперӧн. 1990 воын гӧтрасьӧм бӧрын гӧтырыскӧд ӧтлаын нуӧдӧны асшӧр бизнес.
1995-ӧд воын помалӧма Рязаньын экономика да право академия «Административно-хозяйственное право и экономика» специальносьт серти. 2001—2004-ӧд воясын — «Гольдштейн» вузасян керкаса генеральнӧй директор.
2003-ӧд воын сійӧ бӧрйисны Коми Республикаса Каналан Сӧветса депутатӧн Тиманса 23-ӧд №-а кытшын. 2004 вося кӧч тӧлысь 23-ӧд лунсянь — Коми Республикаса Каналан Сӧветын социальнӧй политика комитетӧн веськӧдлысь.
2007-ӧд вося бӧрйысьӧмъяс дырйи 13 №-а Ярегаса ӧти мандата кытшын Коми Республикаса Каналан Сӧветса лоӧма депутатӧн, бӧрйӧмаӧсь веськӧдлысьӧс вежысьӧн.
Каналан Думаын да Федерация Сӧветын
[вежны | Вежны кодировкаын]2007-ӧд вося ӧшым тӧлысьын сійӧс вӧлі бӧрйӧма V созывса Государственнӧй Думаӧ депутатӧн «Единая Россия» ютырлӧн лыддьӧг серти. Пырӧма «Единая Россия» фракцияӧ. Войвыв да Ылі Асыввыв мытшӧдъяс кузя комитетӧн веськӧдлысьӧс вежысь. 2012-ӧд воын Гольдштейнӧс бӧрйисны Госдумаӧ VI созывса депутатӧн 31 №-а региональнӧй группасянь (Амур обласьт).
2015-ӧд воын Гольдштейнӧс индӧмаӧсь Еврей асвеськӧдлан обласьтса олӧмӧ пӧртысь власьтсянь сенаторӧн.
2007-ӧд воын Гольдштейн помалӧма Россияса велӧдан академиялысь университет, 2009-ӧд воын — Рытыв-Войвыв канму служба академия.
Еврей обласьтын
[вежны | Вежны кодировкаын]2019-ӧд вося ӧшым тӧлысь 12-ӧд лунсянь сійӧс вӧлі индӧма Еврей асвеськӧдлан обласьтса губернаторлысь могъяс недыр кад кежлӧ олӧмӧ пӧртысьӧн. Федерация Сӧветӧ пырысьлысь уджмогъяссӧ кадысь водз дугӧдісны 2019-ӧд вося ӧшым тӧлысь 23-ӧд лунӧ.
2020-ӧд вося кӧч тӧлысьын бӧрйысигӧн Гольдштейн лоӧма Еврей асвеськӧдлан обласьтса губернаторӧн. Сы вӧсна кипасалісны 82,5% морт (пасйӧм бӧрйысьысьяслӧн ӧтувъя лыдысь воліс 73,02%). Должносьтӧ босьтчӧма 2020-ӧд вося кӧч тӧлысь 22-ӧд лунӧ.
2024-ӧд вося вӧльгым тӧлысь 5-ӧд лунӧ Россияса президент Владимир Путин индӧма Р.Гольдштейнӧс Коми Республикаса Юралысьлысь могъяс недыр кад кежлӧ олӧмӧ пӧртысьӧн. 2025-ӧд вося бӧрйысигӧн Ростислав Гольдштейнӧс йӧзыс бӧрйисны Коми Республикаса Юралысьӧн (70,04% гӧлӧс; 160 075 морт).[2]
Гозъя олӧм
[вежны | Вежны кодировкаын]Гӧтырыс — Галина Даниловна, нылыс — Анна.
Бокс спортын мастерӧ кандидат.
Ошканпасъяс
[вежны | Вежны кодировкаын]- «Айму водзын бур уджысь» орденлӧн II тшупӧда медаль) (2019)
- Россия Федерацияса Президентлӧн Аттьӧалӧм
- Федерация Сӧветса Посёта грамота