Вӧлӧснича (Мылдін район)

Вӧлӧснича Волосница
Му:	Рочму
Статус:	грезд
республика:	Коми республика
район:	Мылдін район
Медводдза казьтыштӧм:	1809 во
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	коми, роч
Олысьяс	26 морт (2007)
Час кытш:	UTC+3+3
Телефон код:	+7 821 38
Пошта индӧс:	169438
Автомобиль код:	11, 111

Вӧлӧснича (рочӧн Волосница) — Коми республикаын Мылдін районса Куръя сикт овмӧдчӧмин улӧ пырысь грезд.

История

Артмӧма XVIII—XIX нэмъяс костын Кама юсянь Печӧра ю вылӧ петкӧдан туй вылын (Вӧлӧснича да Вӧгулка юяс костын вӧлӧма вӧлӧк, кыті вузасьысьяс Камасянь веськавлісны Печӧра вожӧ). Овмӧдісны Кама вожса йӧз — рочьяс либӧ рочмӧм пермякъяс. Медводз шусис «Усть-Волосница», пырис Перым губерняса Чердін уездӧ (сэсся — Урал обласьтса Ныроб районӧ).

1809 воын тані вӧлӧма 3 овмӧс, 1840 воын — 5 овмӧс, 1909 воын — 17 овмӧс, 99 морт; 1927 воын — 24 овмӧс, 106 морт.

1928 воын Куръя сикт сӧветса олысьяс корисны, медым найӧс йитасны Коми (Зыряна) асвеськӧдлан обласьт дорӧ. Кӧть тані и олісны рочьяс, найӧ экономика боксянь вӧлі топыдджыка йитчӧмаӧсь Мылдін районса коми грездъяскӧд, а эз Кама бердса роч сиктъяскӧд. 1930-ӧд воясын вӧлі шуӧма Печӧра йывса сикт-грездъяс сетны Коми обласьтлы, но тайӧс олӧмӧ вӧлі пӧртӧма сёрӧнджык. 1938 да 1945 воясся мусерпасъясын — «Усть-Волосница». Сӧмын 1949 во помын грездыс вӧлі вуджӧдӧма Коми АССР улӧ.

1940-ӧд воясся инним мусерпасын — «Усть-Волосница», 1956 вося списокын — «Волосница». Колхозыс шусис «Герой труда».

1959 воын грездын олӧма 159 морт, 1970 воын — 106, 1979 воын — 74, 1989 воын — 44, 2000 воын — 24 морт.

Олысь лыд

Вояс да олысь лыд
1909	1927	1959	1970	1979	1989	2000	2007
99	106	159	106	74	44	24	26

Ӧшмӧсъяс

• Атлас Республики Коми. — Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Республика Коми: Энциклопедия. — Сыктывкар, 1997—2000. — Т. 1—3.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.

Ыстӧдъяс

Куръя сиктувса оланінъяс
Ӧнія оланінъяс: Вӧлӧснича • Куръя • Пачгин • Речнӧй •