Безносиков Алексей Семёнович

Безносиков Алексей Семёнович (1947) — каналан удж вӧчысь, депутат да общественник.

Олан туй

Алексей Безносиков чужӧма 1947-ӧд вося тӧвшӧр тӧлысь 31-ӧд лунӧ Коми АССР-ын Кулӧмдін районса Кулӧмдін сиктын. Школа полмалӧм бӧрын трактористалӧма «Кулӧмдін» совхозын. 1971-ӧд воын помалӧма Горькийса видз-му овмӧс институт, 1981-ӧд воын — Ленинградса вылыс партийнӧй школа, 1985-ӧд воын — СССР-са канму безопасносьт комитетлысь Вылыс школа.

Уджавлӧма Кулӧмдін районса комсомол комитетын сиктса томулов юкӧдса веськӧдлысьӧн, мӧд, а сэсся медводдза секретарӧн (1971—1975); Коми обкомын ВЛКСМ-са секретар ((1975—1979)); Емдін районса КПСС комитетса секретарӧн (1980—1983).

1985—1989 воясын уджалӧма КГБ-ын: начальникӧс вежысь, веськӧдлысь. КГБ-ын уджалӧм бӧрын отставкаӧ петӧма подполковник званиеӧн.

1989—1990 — КПСС-лӧн Коми обкомын секретар, 1990—1991 — КПРФ-са Кулӧмдін районын медводдза секретарӧн.

1993-ӧд восянь 1999-ӧд воӧдз веськӧдлӧма Коми Республикаса культура министерствоӧн, 1999— 2002-ӧд воясӧ — Коми Республикаса печать управленньӧӧн.

Общественнӧй удж

Алексей Безносиков вӧлі коми войтырлӧн ӧтмунӧм подулын. 1992-ӧд вося тӧвшӧр тӧлысьсянь 1993-ӧд вося косму тӧлысьӧдз уджалӧма коми войтырӧс сӧвмӧдан комитетын, нырщикалӧма йӧзкостса промыслъяс видзӧмын. 1992—1993 — «Марьямоль» ТОО-ын директор.

Вӧлі пырӧ «Коми войтыр» ӧтмунӧмса Исполкомӧ.

Депутаталӧм

1974-ӧд воын А.С. Безносиковӧс вӧлі бӧрйӧма Кулӧмдін районын Сӧветса депутатӧн, 1982-ӧд воын — Емдін районын Сӧветса депутатӧн, 1991-ӧд воын — Кулӧмдін районын Сӧветса депутатӧн.

2003-ӧд вося рака тӧлысьын бӧрйӧма Коми Республикаса Каналан Сӧветӧ коймӧд созывса депутатӧн 26-ӧд номера Кулӧмдінса бӧрйысян кытшсянь. 2003-ӧд вося рака тӧлысь 17-ӧд лунӧ индӧмаӧсь Каналан сӧветса социальнӧй политикаа комитетӧн веськӧдлысьӧн, 2003-ӧд вося ода-кора тӧлысьӧ веськӧдлысьӧс вежысьӧн.

Ошканпасъяс

Коми Республикаса нимӧдана уджалысь
«За безупречную службу» III тшупӧда медаль
«За безупречную службу» III тшупӧда медаль
«СССР-са Вооружённӧй вынъяслы 70 во» медаль

Ӧшмӧсъяс

Ыстӧдъяс