Якуб Колас

Материал из Wikipedia
Якуб Колас (18821956) – Сöвет кадся беларус гижысь

Яку́б Ко́лас (збыль ним да ов – Константи́н Миха́йлович Мицке́вич, беларус Канстанцін Міхайлавіч Міцкевіч) (18821956) – Сöвет кадся беларус гижысь, беларус литературалы подув пуктысь, Беларусь ССР-са народнöй поэт (1926), Беларусь наукаясын Национальнöй академияысь академик (1928), СССР-са Гижысь котырö пырысь (1934), Беларусь ССР-са наукаын заслуженнöй уджалысь (1944), ВКП(б)-ö пырысь 1945 восянь.

Олан туй[веськӧдны]

  • 1882, вӧльгым тӧлысь 3 лун – чужис Михась Мицкевич лесник семьяын Беларусьын Минск обласьтысь Столбцы районса Акинчицы грездын (öнi – Столбцы кар пытшкын).
  • Помалiс народнöй школа, сэсся 1902 воын Несвижын велöдысьяслысь семинария. Уджалiс велöдысьöн Пинщинаын.
  • 1906 воын петiс медводдза йöзöдöмтор – «Наша доля» газетын «Чужан му» кывбур.
  • Велöдысьяслысь нелегальнöй съезд дасьтöмысь сiйöс пуксьöдiсны. Пукалiс Минскын 1908-1911 воясö.
  • 19121914 – велöдiс Пинскын.
  • 1915 – став семьянас эвакуируйтчис Москва улö, уджаліс велöдысьöн Дмитров уездын. Сэки жö сiйöс мобилизуйтiсны армияö.
  • 1918 – демобилизация бöрын велöдiс Курск губернияса Обоянь карын.
  • 1921, ода-кора – вуджис овны Минскö. Вöчис творческöй да туясян удж («Роча-белорус кывкуд» (1953) дасьтiгöн вöлi редакторъяс пиын)
  • 1928 – академик, 1929 восянь – БССР-ын наукаса академияын вице-президент.
  • 19381956 – БССР-са Вылыс Сöветын депутат.
  • 19461956 – СССР-са Вылыс Сöветын депутат, Беларусьын мир видзан республикаса комитетöн веськöдлысь.
  • 1956, моз тӧлысь 13 лун – Якуб Колас кулiс. Гуалöма Минскын Военнӧй шойна вылын.

Наградаяс да премиаяс[веськӧдны]

Гижан удж[веськӧдны]

Пошта марка, СССР, 1957 во
Россияса Национальнöй банклöн монета, 1992 во
Беларусьса Национальнöй банклöн монета, 2002 во

1917 вося революцияöдз петiсны «Невöлялöн сьыланъяс» (1908), «Шоглунлöн сьыланъяс» (1910) кывбур чукöръяс, «Выль му» поэмаысь юкöнъяс, а сiдзжö «Висьтъяс» (1912), «Матысса образъяс» (1914) висьт чукöръяс. 1920-öд воясö вöлi йöзöдöма «Выль Му» (1923), «Сымон-музыкант» (1925) поэмаяс, «Полесьеса пемыд вöръясын» (1922), «Полесье шöрын» (1928), «Олан гыяс вылын» (1926) повесьтъяс, лирика уна кывбур, пьесаяс. 1930-öд воясö гижöма «Колхозса» (1930), «Арся» (1935) кывбура кытшъяс, «Отщепенец» повесть (1930-1931). Революцияа да Гражданскöй тышса лоöмторъяс петкöдчöны «Зыбуч» («Дрыгва», 1933) повесьтын. Колас гижöдъясын тыдовтчö чужан вöр-ва петкöдлыны кужöм, беларус кресьтьяналысь психология тöдöм.

«Водзöс перъям» (1942) да «Мулöн шы» (1943) кывбур чукöрын, «Вöрын суд» (1943) да «Водзöс перйöм» (1945) поэмаясын поэт ыдждöдлö беларус войтырöс, партизанъяслысь подвиг, эскöдö, мый фашистъясöс вермам. «Чери кыйысьлöн хата» (1947) поэмаын петкöдлöма Рытыввыв Беларусьлöн БССРкöд йитчöм йылысь тыш.

«Туйвежын» трилогияö, код вылын уджыс пансис 1921 воын, пырö куим гижöд: «Полесьеса пемыд вöръясын» (1922), «Полесье шöрын» (1928), «Туйвежын» (1954). Трилогияыс революцияöдзса белорус кресьтянство да интелегенция йылысь.

Гижöдъяс[веськӧдны]

Поэзия, проза, публицистика[веськӧдны]

Челядьлы гижöдъяс[веськӧдны]

Велöдчан небöгъяс[веськӧдны]

Пьесаяс[веськӧдны]

Вуджöдöмъяс[веськӧдны]

Вуджöдiс белорус кыв кыв вылö Александр Пушкинлысь «Полтава» поэма, Тарас Шевченколысь, Павло Тычиналысь, Адам Мицкевичлысь да Рабиндранат Тагорлысь кутшöмсюрö гижöд.

Паметь[веськӧдны]

Минскын Якуб Коласлы паметник
  • Белоруссияын уджалö Якуб Колас нима литература-мемориальнöй музей.
  • Я. Коласлысь нимсö ас кадö вöлi сетöма уличаяслы, изэрдъяслы, уджаланiнъяслы (шуам, Якуб Колас нима Национальнöй академическöй драма театр, Национальнöй государственнöй лицей да сылöн юкöнъяс).
  • Поэтлы пуктöмаöсь паметникъяс.
  • 1957 воын СССР-ын вöлi лэдзöма пошта марка, кöнi серпасалöма Якуб Колас.
  • 1992 воын Россияса Национальнöй банк лэдзис сылы сиöм памятнöй монета. Белоруссияын сiдзжö петiс монета, кодöс сиöма Якуб Коласлöн 120-вося тшупöда паслы.

Якуб Колас нима объектъяс[веськӧдны]

Литература[веськӧдны]

  • Александровіч, С. Х. Ад роднае зямли : Аповесць пра маленства і юнацтва Я. Коласа / С. Х. Александровіч. — Мінск : Дзяржвыд БССР, 1962. — 236 с.
  • Александровіч, С. Х. На шырокі прастор : Старонкі жыцця Якуба Коласа / С. Х. Александровіч. — Мінск : Мастацкая літаратура, 1972. — 429 с.
  • Александровіч, С. Х. Крыжавыя дарогі : Аповесць пра Якуба Коласа / С. Х. Александровіч. — Мінск : Мастацкая літаратура, 1985. — 333 с.
  • Пшыркоў, Ю. С. Якуб Колас : Жыццё і творчасць / Ю. С. Пшыркоў. — Мінск : Выдавецтва Акадэміі навук БССР, 1951. — 167 с.
  • Пшыркоў, Ю. С. Трылогія Якуба Коласа «На ростанях» / Ю. С. Пшыркоў. — Мінск : Выдавецтва Акадэміі навук БССР, 1956. — 226 с.
  • Пшыркоў, Ю. С. Эпас рэвалюцыі : паэмы Я. Коласа «Новая зямля» і «Сымон-музыка», трылогія «На ростанях» / Ю. С. Пшыркоў. — Мінск : Вышэйшая школа, 1975. — 238 с.
  • Пшыркоў, Ю. С. Летапісец свайго народа : Жыццёвы і творчы шлях Якуба Коласа / Ю. С. Пшыркоў. — Мінск : Навука і тэхніка, 1982. — 367 с.

Öшмöсъяс[веськӧдны]