Хозяинов Николай Васильевич

Хозяинов Николай Васильевич
Чужан лун:	1942-ӧд вося ӧшым тӧлысь 13-ӧд лун(1942-12-13)
Чужанін:	Ыджыд тундра[d] Діюр, Изьва район, Коми Республика, РСФСР[d], Сӧветскӧй Социалистическӧй Республикаяслӧн Союз
Кулан кад:	1998
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	театральный актёр

Хозяинов Николай Васильевичч (1942—1998) — В.А. Савин нима канмуса академическöй Драма театрын ворсысь, Коми ССР-са нимӧдана артист.

Олан туй

Николай Хозяинов чужӧма 1942 вося ӧшым тӧлысь 13-ӧд лунӧ Изьва районса Діюр грездсянь 16 километра сайын кӧр видзысьяслӧн семьяын. Дыр кад чӧж Хозяиновъяс олісны Кулӧмдін районса Помӧсдінын. Шӧр школа помалӧм бӧрын пырӧма велӧдчыны Сыктывкарса культпросветучилишеӧ, но велӧдчӧма недыр. Коми АССР-са драма театрбердса театр студияӧ экзамен сдайтӧм бӧрын куим во кежлӧ мунӧма армияӧ. Ракетнӧй войскаясын пырӧдчӧма художественнӧй самодеятельносьтӧ. Армия бӧрын помалӧма ГИТИС-лысь актёръяслысь юкӧн да локтӧма уджавны Драма театрӧ.

Ворсӧм да рольяс

Помӧсдін сиктса пионер керкаын зонка ветлӧдлӧма драма кружокӧ, мыйӧн веськӧдлӧма Муза Вениаминовна Чисталёва — нималана коми гижысь Тима Веньлӧн нылыс. Тані Николай тӧдмасьӧма театрса искусствоӧн. Медводдза рольӧн дас арӧса детинкалӧн вӧлӧма Чиполлино (Дж. Родари мойд серти).

Профессиональнӧй сценаын медводдза ыджыд рольыс — А. Штейнлӧн «Океан» пьеса серти спектакльын Задорнов старшиналӧн роль.

Рольяс:

• Коростылев («На дне»)
• Парамонов («Дело»)
• Отец («Порог»)
• Андрей (П. Шаховлӧн «Бур асыв»)
• Колип Серафим (Н. Дьяконовлӧн «Кока войӧ»)
• Саватеев (И. Тороповлӧн «Но-о, биа бордаяс»)
• Кӧмин-морт (Г.Юшковлӧн «Ен ныв»)
• Чумаков (А. Ларевлӧн «Гажтöм вальс»)
• Сопрон Педьӧ, Праведник, Петыр апостол, грешник (С. Горчаковалӧн да В. Кушмановлӧн «Югыд кодзув» )

Уна видзӧдысьлы сійӧ паметяс кольӧма кыдзи Беддя Коля Геннадий Юшковлӧн «Кыськӧ тай эмӧсь» пьеса серти спектакльын (пуктӧма Иван Аврамов).

Наградаяс

• Коми ССР-са нимӧдана артист (1991)

Ӧшмӧсъяс

• Коми Республикаса национальнӧй небӧгаин
• Хозяинов Николай Васильевич (1942—1998) // Коми театр: время и люди. — Сыктывкар, 2013. — С. 114.
• Канев А. Ричарденка придумал сам… // Утро (Асыв). 1992. Август (№ 15).
• Канев А. «Беддя Коля…» // Коми му. 1991. 22 октября.