Упри

Босьтӧма Wikipediaысь

Упри (латин Leuciscus cephalus, рочӧн Голавль) - мык рöдысь ыджыд чери.

Чери ыджда да рöм[вежны | Вежны кодировкаын]

Упри быдмö ыджыда: кузьтаыс - 80 см-öдз, сьöктаыс - 4 кг сайö. Юр пыдöсыс паськыд да шыльыд, сьöмыс - гырысь. Мышкыслöн рöмыс - пемыдтурунвиж да сьöд, бокъясыс - югыд. Улiса да бокиса плавникъясыс - гöрд рöмаöсь, мукöдыс - пемыдлöз рöма.

Чери паськалöм[вежны | Вежны кодировкаын]

Комиын упри олö Летка, Эжва да Висер юясын. Оз паныдасьлы Печора да Мозын юясын.

Рöдмöм[вежны | Вежны кодировкаын]

Упри пöксö лэдзö ода-кора да лӧддза-номъя тöлысьясö гырысь юяслöн вожъясын. Пöкйыс ыджыд - диаметрыс 1,5 мм. Отпырйö кöдзö 200 сюрс пöкйöдз.

Сёян[вежны | Вежны кодировкаын]

Сёйö нидзувъяс, гут-гаг, ракъяс, посни черияс, и весиг - лягуша да шыр.

Öшмöс[вежны | Вежны кодировкаын]

Республика Коми: Энциклопедия: В 3-х т. Сыктывкар, 1997. Т. 1.