Скӧрӧдум (Кулӧмдін район)

Босьтӧма Wikipediaысь
Скӧрӧдум
Скородум
Му:  Рочму
Статус:  грезд
республика:  Коми республика
район:  Кулӧмдін район
Медводдза казьтыштӧм:  1719 во
Инлыдпасъяс:  62°08′ в. п. 54°14′ а. к. / 62.133333° в. п. 54.233333° а. к. (G)
Официал кыв  коми, роч
Олысьяс  501 морт (2007)
Час кытш:  UTC+3
Телефон код:  +7 8 2137
Пошта индӧс:  168095
Автомобиль код:  11, 111


Скӧрӧдум (рочӧн Скородум) – Коми Республикаын Кулöмдiн районса Помӧсдін сикт овмӧдчӧмин улӧ пырысь грезд.

Ним артмӧм[вежны | Вежны кодировкаын]

Фольклор[вежны | Вежны кодировкаын]

География[вежны | Вежны кодировкаын]

Грезд пукалӧ Эжва ю веськыд вадорын, Скӧрӧдумъёль вомланьын. Скӧрӧдумсянь Помӧсдін шӧрсиктӧдз 7 км войвылӧ, Кулӧмдін юрсиктӧдз 68 км, Сыктывкар юркарӧдз км.

Орчча оланінъяс[вежны | Вежны кодировкаын]

Сиктлӧн юкӧнъяс[вежны | Вежны кодировкаын]

Скӧрӧдум сиктлӧн юкӧнъяс
  • Ягвыв — важ шӧрин, сійӧ пукалӧ мир туй дорті, Сидӧр Ваньӧ керка дорсянь школа весьтӧдз кымын, Вась Анна керкасянь Сурнин керкаяс дорӧдз кымын.
  • Ыбвыв либӧ Кулацкӧй посёлок — Ягвывсянь рытыввылын.
  • Чоййыв — Ыбвывсянь войвылын, пос дорсянь Миколай Ваньӧ керка дорӧдз (сикт помӧдз)
  • Ласей — Ягвывсянь лунвылын, Скӧрӧдумъёль талапӧлас
  • Мӧдлапӧв — Скӧрӧдумъёль мӧдлапӧлас
  • Кырув — грезд шӧрын (Ягвыв да Мöдлапöв костас, Культура Керкасянь горув, Эжваланьыс, асыввылö и лунвылö)

Орчча ландшафтъяс[вежны | Вежны кодировкаын]

Вӧръяс: Дзоля вöр, Из гöра, Ошкасён, Гажаяг, Дзоля яг, Кöрчомдор, Рöмановскöй яг.

Видзьяс: Маил видз, Еремвидзсьöрт, Лазаркулига, Конö Иван видз.

Керӧсъяс: Дубрава, Рöмановскöй нöрыс, Еджыд бужöд, Сьöд кöтшас, Кирöиздiн.

Шор-ёль: Ульвашор, Кöбылашор, Гусьтышор, Дубровашор, Миняшор, Скӧрӧдумъёль, Скöрöдумвом (Ёльыслöн Эжваö усянiн), Поскашор, Понсинъю-ёль (визувтö Скöрöдум весьтса ягсянь Скöрöдума-Кырныша костö, усьö Эжва юö).

Тыяс: Ыджыдты, Гусьты, Польчи видз гöп (дзоляник ты кодь), Кузьты, Сёртты, Пышты, Ягувты.

Нюръяс: Гусьты нюр, Нюрвыв (Скöрöдум поссянь Хозяиновъяс керка дорöдз), Оль бок (сэтчӧ пырӧны футбольнӧй поле и орчча видзьяс).

История[вежны | Вежны кодировкаын]

  • Артмис 1707 во бӧрын.
  • 1719 — Медводдзаысь казьтыштӧма Ревизскӧй сказкаясын: Скородум пӧчинӧк, 1 овмӧс. Медводдза олысьяяӧн вӧліны: Пётр Андреевич Паршуков, сылӧн племянник Семён Паршуков Ефим пияскӧд, сылӧн зять Семён Якимович Ефремов Андрей пияскӧд.
  • 1782 — «Скородумская» грезд: 16 овмӧс, 95 морт.
  • 1919, тӧвшӧр тӧлысь — Воссис «Заря» коммуна.
  • 1926 — Грездын 152 овмӧс, 722 морт.
  • 1930 — Грездын эм школа да потребительяслӧн котыр.
  • 2000 — 203 овмӧсын олӧ 617 морт.
  • 2012 — Скӧрӧдумын эм Фельдшерско-акушерскӧй пункт, челядьлы «Малышок» сад, Шӧр школа, Культура керка (пырӧ «Кулӧмдінса Шӧр клуб системаӧ».[1]

Йӧз[вежны | Вежны кодировкаын]

Грездын олӧны кызвыйӧ комияс. Сёрнитӧны коми кыв вылын (эжвайывса сёрнисикас). Эм некымын украинеч, найӧ тшӧтш тӧдӧны коми кыв. Став челядьыс коми кывъяӧсь жӧ.

Татчӧс олысьӧс шуӧны скӧрӧдумса. Кывберд тшӧтш скӧрӧдумса.

Олысь лыд[вежны | Вежны кодировкаын]

Йӧзӧс пасъялан вояс
1782 1926 1970 1979 1989 1992 2000 2007
95 722 730 678 570 579 617 501

Овъяс[вежны | Вежны кодировкаын]

Медводдза овъяс Скӧрӧдумын вӧліны Паршуков да Ефремов (1719). Ӧнія кадӧ медунаӧн Пашнинъяс да Ефремовъяс.

Наысь кындзи эмӧсь: Денисов, Дёмин, Жангуров, Игнатов, Карманов, Курочкин, Липин, Мингалёв, Третьяков, Уляшев, Шомысов, Хозяинов.

Шоч овъяс: Беляев, Божко, Долигодин, Князев, Конин, Королёв, Лажанев, Левшенков, Макалюк, Напалков, Никитин, Отев, Прудников, Сенькин, Чисталёв.

Бырӧм овъяс: Сурнин, Козлов, Шахов, Когутяк, Макаров.

Культура[вежны | Вежны кодировкаын]

Велӧдӧм[вежны | Вежны кодировкаын]

  • 1905 — Скӧрӧдумын воссис земскӧй начальнӧй училишӧ.

Тӧдчана йӧз[вежны | Вежны кодировкаын]

Тӧдчана эмторъяс[вежны | Вежны кодировкаын]

Ӧтуввез[вежны | Вежны кодировкаын]

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]

  1. Помӧсдін сикт овмӧдчӧмин Кулӧмдін районса сайтын
Помӧсдін сиктувса оланінъяс Coat of arms of the Komi Republic Flag of the Komi Republic
Ӧнія оланінъяс:

Бадьёль • Выльгорт • Кырныша • Мӧдлапӧв • Помӧсдін • Скӧрӧдум • Сордйыв •