Пузла (Кулӧмдін район)

Босьтӧма Wikipediaысь
Пузла
Пузла
Му:  Рочму
Статус:  посёлок
республика:  Коми республика
район:  Кулӧмдін район
Медводдза казьтыштӧм:  1888
Инлыдпасъяс:  0°00′ в. п. 0°00′ а. к. / 0° в. п. 0° а. к. (G)
Официал кыв  коми, роч
Олысьяс  325 морт (2007)
Час кытш:  UTC+3
Телефон код:  +7 8 2137
Пошта индӧс:  168092
Автомобиль код:  11, 111


Пузла (рочӧн Пузла) — Коми Республикаын Кулӧмдін районысь Вӧльдін сикт овмӧдчӧминса посёлок.

Файл:Derevnya Puzla.jpg
Пузла грезд

Ним артмӧм[вежны | Вежны кодировкаын]

Сиктлы нимсӧ сетӧмаӧсь лыаа, нюйт ва понда, мый вӧлі пузувтӧ шорын визувтысь васӧ (татшӧм васӧ шуӧны «пузла»).

Фольклор[вежны | Вежны кодировкаын]

Пузлаын эм «Зарни сьылан» сьылан котыр.

География[вежны | Вежны кодировкаын]

Пузла пуксьӧма Эжва юлӧн шуйга бокас, Пузла ю вомсянь улынджык. Пукалӧ Кулӧмдін да Ухта районъяс костын. Сикт лоӧ медводдзаӧн Эжва йылын.

Орчча грездъяс Медматын Пузлалы Ягкӧдж| сикт, сулалӧ 48 км ылнаын.

История[вежны | Вежны кодировкаын]

  • Сикт чужис 1888 воын. Медводдза олысьясӧн вӧліны Уляшевъяслӧн куим вок — Петӧ, Терентий и Филипп Васильевичьяс да Епим Прокӧ Уляшев — Вӧльдін сиктысь петӧм йӧз. Найӧ кӧсйӧны вӧлі лӧсьӧдны выль сикт Мылдінса важ вӧла туй бокӧ (тракт). Дыр корсисны местасӧ и сувтісны Пузла ю дорӧ, кӧть эськӧ вӧла туйыс вӧлі ылынкодь сиктсяньыс.
  • 1930 воын лӧсьӧдӧма «Кыа» колхоз. Колхозын уджалысьяс кӧдзисны сю, ид, зӧр, анькытш, кӧчан, сёркни, заптісны турун, силос, вӧр, видзісны скӧт (вӧв, мӧс, ыж, порсь).
  • Айму вӧсна Ыджыд тыш кадӧ Пузла сиктысь усисны кызь морт.
  • 1957 воын Пузла сикткӧд орччӧн вӧлі восьтӧма Помӧсдін леспромхозлӧн вӧр заптан участок, кӧні сэсся кыпаліс Пузла посёлок. Дас во мысти сиктса колхоз лоис вӧр заптан хозяйстволӧн подсобнӧй овмӧсӧн. 1976 вося моз тӧлысьӧ Пузла сикт ӧтлаӧдісны Пузла посёлоккӧд.

Медводдза овъяс[вежны | Вежны кодировкаын]

Культура[вежны | Вежны кодировкаын]

Сиктын эм Культура керка.

Велӧдӧм[вежны | Вежны кодировкаын]

Сиктын эм «Ичӧт школа—челядь сад" (ӧнія веськӧдлысьыс Игнатова Елена Михайловна). Велӧдчысь лыдыс 15 морт гӧгӧр. Велӧдан предметъяс лыдын коми кыв.

Тӧдчана йӧз[вежны | Вежны кодировкаын]

А. С. Игнатов – предприниматель, «Комилесбизнеслӧн» веськӧдлысь, районса депутат.

Тӧдчана эмторъяс[вежны | Вежны кодировкаын]

Файл:Puzla pametnik.jpeg
Ыджыд тышын усьӧмъяслы паметник
  • Октябрса революция кадӧ сикт бокын «еджыдъяс» лыйлісны Керчомъя сиктысь Даръя Михайловна Кочановаӧс да Гаврил Фёдорович Тимушевӧс.
  • Айму вӧсна Ыджыд тышын усьӧмаяслы паметник.

Ӧтуввез[вежны | Вежны кодировкаын]

Пузлаын эм мобильнӧй связь (МТС операторлӧн). 2013 воӧн МТС компания сувтӧдіс сиктын вышка.

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]

Вӧльдін сиктувса оланінъяс Coat of arms of the Komi Republic Flag of the Komi Republic
Ӧнія оланінъяс:

Вӧльдін • Пузла • Ягкӧдж •