Петыр лун
Петыр лун - православнöй вичкоса гаж, пасйöны сора 12 лунö.
Петыр лун – сура празьник Кулӧмдiн районса Кулӧмдiнын да Скӧрӧдумын, Емдiн районса Римьяын, Койгорт районса Гриваын, да Луздор районса Читаёв сикт улö пырысь Екшорын, и с.в.
Петыр лун вöлi ыджыд праздникöн. Кыдзи и мукöд ыджыд вежа лунъясö, та лунö эз тшöктыны уджавны, Енмыс пö вермас мыждыны.
Петыр лун шуöны гожӧм шöрöн: кодкö кö керкасьыд öдзöстö оз тупкы, сiйöс öлöдöны «Абу öд Петыр лун!»
Содержание |
[веськӧдны] Турун пуктöм
Та лунö эновтчылöны турун пуктöмысь. Уджалöны пажынöдз, а сэсся воöны гортас ылысса видзьясысь пывсьыны да петырлунасьны. Öтилаын – пажынöдз позьö сöмын куртны водзынсö ытшкöм турун, но эз ытшкыны; мöдлаын – пажун бöрын мöдöдчöны нин видзьяс вылö страдуйтны.
[веськӧдны] Чери кыйöм
Чери кыйысьяс пасйöны Петыр лунö ассьыныс празьник. Шыасьöны Петыр-Павел дорö, корöны чери: «Петыр-Павел, чери сет!» Кыйöм чериысь пуöны юква да корöны тöдсаяссö видлыны сiйöс.
[веськӧдны] Кодрасьöм
Бöръя кадö Петыр лунö гуяс вылын кодралöны Троича бöрын кувсьöм йöзöс. Блин, чипан кольк кындзи лöсьöдöны выль лук турунысь сёянтор.
[веськӧдны] Эскöмъяс
Петыр лунö вичкоын лук турун вежöдöм бöрын позьö сiйöс чегъявны да сёйны.
Мукöдлаын оз тшöктыны Петыр лунöдз вотны оз тусь.
[веськӧдны] Примета:
- Петыр лунö кö оз зэр, оз зэр Прокопейöдз.
[веськӧдны] Шусьöг:
- Томлуныд абу Петыр лун, мöдысь оз ло.
[веськӧдны] Öшмöс
- Коми календар. 2009 во / Лöсьöдiс Öльöш Рассыхаев. Сыктывкар, 2008.
