Кузьма-Демьян лун

Материал из Wikipedia

Кузьма-Демьян лун (рочӧн Кузьминки, Кузьма-Демьян) — йӧзкостса гаж, кодöс пасйöны вӧльгым тӧлысь 14 лунö.

Кузьма-Демьян лунö эжвайывса сиктъясын том йöз рытнас чукöртчöны братчина вылö, кодöс празднуйтöны куим лун. Зонъяс медалöны керка. Нывъяс вайöны пызь, ид, таг да öтвыв пуöны тагъя сур.

Юантор пуöм бöрын нывъяс сьыланкывйöн корöны керка кöзяинлысь яндöва. Сэсся нёль ныв стöкан тыра сурöн йöктöны сьыланкыв улö да юöны. Сьыланкывйöн жö найö матыстчöны кык зон дорö подносöн да мыччöны налы сур. Юöм бöрын зонъяс пуктöны поднос вылö сьöмтор.

Та бöрын нывъяс гöститöдöны мукöд зонсö.

Кулӧмдiн районса Керчомъя сиктын Кузьма-Демьян лунö ичöт нывкаяс ветлöны керкаысь керкаö. Найöс гöститöдöны тшайöн, ырӧшöн, няньöн, калляöн (идъя чужваысь юантор).

Öшмöс[веськӧдны]

  • Коми календар. 2009 во / Лöсьöдiс Öльöш Рассыхаев. — Сыктывкар, 2008.

Ыстӧдъяс[веськӧдны]