Колегова Нина Андреевна

Босьтӧма Wikipediaысь
Колегова Нина Андреевна
Чужан лун:

1913-ӧд вося вӧльгым тӧлысь 3-ӧд лун(1913-11-03)

Чужанін:
Кулан кад:

2006-ӧд вося ӧшым тӧлысь 9-ӧд лун(2006-12-09) (93 арӧс)

Куланін:
Канму:
Мыйся уджыс:

лингвистка

Шаблон:Серпасыс абу

Колегова Нина Андреевна (комиӧн — Ӧньӧ Нина) (19132006) — коми кыв туялысь, филология наукаясса кандидат (1947), Коми АССР-са наукаын да культураын нимӧдана уджалысь (1964).

Олан туй[вежны | Вежны кодировкаын]

Нина Колегова чужӧма Усть-Сысольск уездса Чит грездын (ӧні — Сыктывкар бердса Чит карпом) 1913 вося вӧльгым тӧлысь 3 лунӧ. Помалӧма Коми канмуса педагогика институт, Ленинградса канму уни­верситетын аспирантура.

1942 восянь уджалӧма Коми АССР-са Наркомпрос бердса Коми туялан институтын (КНИИ) научнӧй сотрудникӧн. 1947 воын дорйӧма филологияса кандидат ним вылӧ диссертация («Наречия в коми языке»). 1953 восянь СССР-са наукаяс академиялӧн Коми филиалын кыв да литература юкӧдын веськӧдлысь.

Кулӧма 2006 вося ӧшым тӧлысь 9 лунӧ Сыктывкарын.

Туясян удж[вежны | Вежны кодировкаын]

Дасьтӧма коми кывйысь велӧдчан небӧгъяс: «Коми грамма­тика. Фонетика да морфология. Ч.1» (1952); «Коми кыв. Грам­матика, правописание, сёрни развивайтӧм» (1956, 1958, 1960).

Мукӧдкӧд ӧтвылысь лӧсьӧдӧма вылыс тшупӧда велӧдчанінъяслы «Современ­ный коми язык. Фонетика, лексика, морфология». Ч. 1» небӧг («Лексика», «На­речие», «Послелоги» юкӧнъяс), «Современный коми язык. Синтаксис. Ч. II» небӧг («Синтаксис как учение о предложении и словосочетании», «Словосочетание», «Виды предложений» юкӧнъяс) (Сыктывкар, 1955, 1967).

Лӧсьӧдӧма «Коми-роч кывкуд» (1948, 1961, соавторъяскӧд).

Коми сёрнисикасъяс уна вося туялӧмъяс подув вылын дасьтӧма кык небӧг: М.А. Сахаровакӧд да Н.Н. Сельковкӧд — «Печорский диалект коми языка» (1976), Г.Г. Бараксановкӧд — «Среднесысольский диалект коми языка» (1980).

Небӧгъяс[вежны | Вежны кодировкаын]

Наградаяс[вежны | Вежны кодировкаын]

  • Коми АССР-са наукаын да культураын нимӧдана уджалысь (1964)

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]