Карбас (Иньва район)
| Карбас Карбас | |
| Му: | Рочму |
| Статус: | грезд |
| Дорму: | Перым край |
| район: | Кудымкар район |
| Медводдза казьтыштӧм: | 1800 |
| Инлыдпасъяс: | |
| Мутас: | 1 км² |
| Официал кыв | коми, роч |
| Олысьяс | 173 морт (2009) |
| Час кытш: | UTC+5 |
| Телефон код: | +7 34260 |
| Пошта индӧс: | 619556 |
| Автомобиль код: | 59, 81, 159 |
Карба́с — Перым крайысь Коми кытшын Кудымкар районса Бевоёв овмӧдчӧмин улӧ пырысь коми грезд.
Ним йылысь[вежны | Вежны кодировкаын]
Карбас грезд ним йылысь сьӧкыд мыйкӧ шуны. Кодсюрӧ чайтӧны, карбас (ыджыд пыж) вылӧ муныштӧ да, тадзи и шусьӧ. Рочьяс войдӧр грездсӧ шуӧмаӧсь Карбасова.
География[вежны | Вежны кодировкаын]
Карбас грезд пукалӧ Ошмушашор да Метшкӧр юяс дорын, Бевоёв сиктсянь войвылӧ 6 км ылнаын да Кудымкарсянь рытыв-войвывладор 25 км ылнаын.
Орчча грездъяс[вежны | Вежны кодировкаын]
Орччӧн аддзам грездъяс: войвылас 1,5 км ылнаын Илля, вой-асыввылас 1,7 км ылнаын Козвовчи, вой-рытыввылас кык километра мында ылнаын Епанов да лунвылас 2,7 км ылнаын Важ Чигас.
Матыс ландшафтъяс[вежны | Вежны кодировкаын]
- Крутӧй мыск (асыввылас)
- Кузькерӧс, сэтчӧс туй, сёнъяс, эндӧм ыбъяс (лунвыв-асыввылын)
- Палё́ж
- Пожума вӧр
- Фермаыб, гараж = Метшкӧрдор (войвылас)
- Юсай (Метшкӧр сайын)
- Яг (кӧдзаяс да сён, орччӧн нюр; лунвылын)
Юкӧнъяс[вежны | Вежны кодировкаын]
Карбасын куим му юкӧн:
- Карбас (ю веськыд вадорын)
- Васай (ю шуйга вадорын)
- Потев (ю веськыд вадорын, рытыввылас)
Туйяс[вежны | Вежны кодировкаын]
Карбасын арталӧны квайт туй [1]:
| Коми ним | Роч ним |
|---|---|
| Вапӧв туй | ул. Набережная |
| Ликачов туй | ул. Лихачева |
| Шӧрӧт туй | ул. Центральная |
| Рочов туй | ул. Рочева |
| Том туй | ул. Молодёжная |
| Юсай туй | ул. Заречная |
История[вежны | Вежны кодировкаын]
1869 вося лыддьӧг серти Карбасын мездлун сетігкежлӧ вӧлӧма 31 овмӧс, олӧмаӧсь 120 айморт да 126 ань.
XX нэм пуксигӧн грездыс лыддьысьӧма Перым губерняса Совкар уездысь Бевоёв вӧлӧсьтын, тані вӧлі Карбас обществолӧн шӧрин.
1926 воӧ йӧзӧс гижалігтырйи Карбасын олӧмаӧсь 497 морт (226 айморт, 271 ань), кутӧмаӧсь 88 овмӧс. Рочыс вӧлӧмаӧсь сизим морт, мукӧдыс — комияс.
1924 восянь Карбас грезд лыддьысьӧма Кудымкар районса (1941-1959 воясӧ Бевоёв районса) Карбас сельсӧветлӧн шӧрин.
1970-80 воясӧ Карбасын вӧлі совхоз.
2006 во пуксигӧн, выль роч оланпас серти, Карбассьыс сиктсӧветсӧ бырӧдісны, грезд кутіс пырны Бевоёв овмӧдчӧминӧ.
Веськӧдлӧм[вежны | Вежны кодировкаын]
Ӧні Карбас грезд пырӧ Кудымкар районса Бевоёв овмӧдчӧминö.
Йӧз[вежны | Вежны кодировкаын]
Олӧны Карбасын карбасо́вса, ӧти морт йылысь шуӧны карбасо́вскӧй либӧ карба́сісь.
Кабалаяс серти 2009 во пансигӧн Карбас грездын олӧма 173 морт, найӧ кутӧны 62 горт овмӧс.
Медваж овыс тані Рочев.
Олысьяс комиӧсь, сёрнитӧны комиӧн.
Овмӧс да быт[вежны | Вежны кодировкаын]
Ӧні йӧзыс олӧны асторъя овмӧсъясӧн.
Ас машинаяс абу уна. Ветлӧ автобус куим пӧв луннас Кудымкарлань. Туйыс асфальтируйтӧм сӧмын лавкаӧдзыс.
Лавкаыс эм сӧмын Бевоёв сельполӧн. Вӧлі нӧшта асторъя, но ӧні пӧдлалӧма.
Быт службаяс абуӧсь, шырсьыны да мый ветлӧны Бевоёвӧдз либӧ Кудымкарӧдз.
Позьӧ видзӧдны телевизор, сёрнитны мобильник пыр (Мегафон, UTEL).
Эм ФАП.
Гуалӧны карбасовчи Ярашутёмас (Козвовчиланьын) либӧ Белоёвланяс.
Культура[вежны | Вежны кодировкаын]
Челядь сад да ичӧт школа Карбассьыс пӧдлалӧмаӧсь. Челядь велӧдчӧны Бевоёвын.
Эм культура керка (клуб), сэні вӧлӧмаӧсь кружокъяс, ӧні коли сӧмын библиотека, актӧвӧй зал пӧртӧмаӧсь физзалӧ, кытӧн ворслӧны волейболӧн да баскетболӧн. Фольклор котыр абу.
Клубас пасйӧны став роч гажлун.
Войтырыс пасйӧны Пӧкрӧв, кодӧс татӧн чайтӧны престольнӧй гажлунӧн.
Карбасын пӧ вӧлӧма часовня (?). Ӧні татчӧс йӧз ветлӧны юрбитны Кудымкарӧ.
Мыгӧрпасъяс да видзӧдӧминъяс[вежны | Вежны кодировкаын]
Археологияса аддзӧмин эм Нёпинын.
Ӧшмӧсъяс[вежны | Вежны кодировкаын]
- Коми-Пермяцкий национальный округ. Москва-Ленинград, 1948.