Игнатов Михаил Константинович
| Игнатов Михаил Константинович | |
| Чужан лун: |
1929-ӧд вося йирым тӧлысь 14-ӧд лун (94 арӧс) |
|---|---|
| Чужанін: | |
Игнатов Михаил Константинович (1929—2023) — партийнӧй уджалысь, чужан му туялысь.
Олан туй[вежны | Вежны кодировкаын]
Михаил Игнатов чужӧма 1929-ӧд вося йирым тӧлысь 14-ӧд лунӧ Кулӧмдін районса Помӧсдін сикт овмӧдчӧмин улӧ пырысь Выльгорт грездын.
1945-1946-ӧд воясӧ уджалӧма егерьӧн, 1947-1949-ӧд воясӧ — кыпӧдӧма Помӧсдінса ГЭС. Сизим да джын во служитӧма Сӧветскӧй армияын, сэсся воысь этшаджык вӧлӧма Помӧсдін районса комитетын инструкторӧн.
1962-ӧд воын помалӧма КПСС Шӧр комитетлысь Горькийын вылыс партийнӧй школа.
Кызь вит во чӧжӧн вӧлі: райисполкомса веськӧдлысьӧс вежысьӧн (на лыдын кык во — внештатнӧй вежысьӧн да колхозын веськӧдлысьӧн), мӧд секретарӧн, Кулӧмдін районса исполкомын веськӧдлысьӧн, КПСС-лӧн Кулӧмдін райкомса медводдза секретарӧн.
1985-1989-ӧд воясӧ М.К. Игнатов уджалӧма Сыктывкарын КПСС-лӧн Коми обком бердын партийнӧй контрольса веськӧдлысьӧн, сэсся — связь управлениеын.
Сизимысь сійӧс бӧрйылӧмаӧсьы КПСС-лӧн Коми обкомӧ.
1999-ӧд вося ода-кора тӧлысьсянь пенсия вылын. Пырӧдчӧма общественнӧй уджӧ: 1998-ӧд восянь 2008-ӧд вося рака тӧлысьӧдз вӧліӧма Сыктывкарын Кулӧмдін землячестволӧн сӧветын веськӧдлысьӧс вежысьӧн.
1999-ӧд воын М.К. Игнатовлы сетӧма «Кулӧмдін районса почётнӧй олысь» ним.[1]
Коми Республикаса Национальнӧй архивын эм М.К. Игнатовлӧн ас фонд (Ф. 3788, 170 ед. хр., 1930-1992 вояс) [2].
Кулӧма 2023-ӧд вося ӧшым тӧлысь 30-ӧд лунӧ.
Небӧгъяс[вежны | Вежны кодировкаын]
- Игнатов М.К. Взгляд сквозь годы. — Сыктывкар: Коми небӧг лэдзанін, 1998. — 224 с.
- Игнатов М.К. Гордость и трудовая слава Усть-Куломского района. — Сыктывкар, 2005. — 124 с.
- Игнатов М.К. Усть-Куломский район: помни прошлое, зная настоящее, делай будущее (1620—2008). — Сыктывкар, 2009. — 366 с.
- Игнатов М.К. Усть-Куломский район в годы Великой Отечественной войны. Труженики тыла. — Сыктывкар: ООО «КРТ», 2015. — 264 с.
Наградаяс[вежны | Вежны кодировкаын]
- Уджвывса Гӧрд Дӧрапас кык орден
- Коми Республикаса нимӧдана уджалысь
- «Кулӧмдін районса почётнӧй олысь» ним (1999)
Ӧшмӧсъяс[вежны | Вежны кодировкаын]
- Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. — С. 299.