Ен каян лун
Ен каян лун (рочӧн Вознесенье) — йӧзкостса календарын ветлӧдлысь гаж, пасйӧны Ыджыд лунсянь 40 лун мысти.
Ним[вежны | Вежны кодировкаын]
Ен каян лун ним кыдзи праздниксӧ сідзжӧ шуӧны Вӧзнесенньӧ, Кристос каян лун.
Эскӧмъяс[вежны | Вежны кодировкаын]
Йӧз костын висьталӧны, мый Ыджыд лунӧ Енмыс лэччӧ му вылӧ, а нелямынӧд лунас енэжӧ кайӧ, та серти и нимтӧмаӧсь Ен каян лун либӧ Кристос каян лун. Шуӧны, мый тайӧ лунас Енмыс каяс енэжӧ да ыстас бур поводдя. Луздорын, Сыктыв вожын тайӧ лун кежлӧ краситӧны кольк. Верстьӧ войтыр и челядь петӧны ывлаӧ да качӧдлӧны кольксӧ енэжӧ, корӧны Енмыслысь бур поводдя, мед нянь ӧдйӧ быдмас. Мукӧдлаас челядь чукӧртчӧны ыб вылын либӧ часовня дорын да гӧгльӧдлӧны кольксӧ кыр горув. Эскӧны, мый колькйыс кӧ вошӧ турун пиӧ, туруна во лоӧ.