Гайзер Вячеслав Михайлович

Гайзер Вячеслав Михайлович
Гайзер Миш Вечӧ
Чужан лун:	1966-ӧд вося ӧшым тӧлысь 28-ӧд лун(1966-12-28) (57 арӧс)
Чужанін:	Инта, Коми Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	политик
Ошканпасъяс да премияяс:	почётный знак «За заслуги в развитии физической культуры и спорта»[d]
Гайзер Вячеслав Михайлович на Викискладе

Гайзер Вячеслав Михайлович — Коми республикаса Юралысь (2010—2015).

Олан туй

• 1966, ӧшым тӧлысь 28 лун — чужис Коми АССР-са Инта карын. Батьыс Михаил Иосифович — ыстӧм немеч, «Интинская» горно-обогатительнӧй шахтаын нэм чӧжыс уджалӧма; мамыс Нина Николаевна — коми (Луздор районысь), велӧдӧма химия да биология Интаса 6 № школаын. Асьсӧ кылӧ коми мортӧн.
• 1985—1987 воясӧ Гайзер служитіс сынӧдсянь доръян войскаясын.
• 1991 — помаліс Экономика-статистика кузя Москваса институт, специальносьтыс — «Веськöдлöмын автоматизируйтöм системаяс».
• 1999 — помалiс «Экономика, статистика да информатика кузя канбердса университет» (Москва), специальносьтыс — «Сьӧм да кредит».
• 1991 — регион нимсянь сёрнитчанiнъясын (представительствоясын) секторса эксперт, наука да техникалысь прогресс сьöммöдан, водзöскорсян (коммерческöй) «Менатеп» нима пайпасвывса (акционернöй) банклöн Сыктывкар филиалса веськöдлысьöс вежысь.
• 1993 — асторъя (частнöй) вкладъяс юкöнса начальник, «Комибанк» водзöскорсян пайпасвывса банкын вице-президент.
• 1996 — веськöдлысьöс вежысь, «Коми социальнöй банк» нима водзöскорсян банклöн юраланiнса (правлениеса) веськöдлысь.
• 2002 — Коми Республикалöн сьöм овмöсса министрöс медводдза вежысь.
• 2003, сора тӧлысь 22 лунсянь — Коми Республикаса Юралысьлöн Индöдöн индöма Коми Республикалöн сьöм овмöсса министрöн.
• 2004, ода-кора тӧлысь 27 лунсянь — Коми Республикаса Юралысьлöн Индöдöн пуктöма Коми Республикаса Юралысьöс вежысь-Коми Республикалöн сьöм овмöсса министр чинö.
• 2009, ода-кора тӧлысь 20 лунсянь — Коми Республикаса Юралысьлöн тшöктöмöн индöма Коми Республикаса Юралысьöс Медводдза вежысь-Коми Республикалöн сьöм овмöсса министр чинö.
• 2010, тöвшöр тöлысь 6 лунö — Роч Федерацияса Президент Дмитрий Медведев сетiс видлавны Коми Республикаса Каналан Сӧветлы В.М.Гайзерлысь кандидатурасö сылы Коми Республикаса Юралысьлысь уджмогъяс сетöм могысь.
• 2010, тöвшöр тöлысь 15 лунö — Коми Республикаса Каналан Сöвет вынсьöдiс сійӧс Коми Республикаса Юралысь чинö.
• 2014, тöвшöр тöлысь 14 лунcянь — Рочму Федерацияса Президент Владимир Путинлӧн индӧдӧн В.М. Гайзерӧс пуктӧма Коми Республикаса Юралысьлысь удж вӧчысьӧн.
• 2014, кöч тöлысь 14 лун — бӧрйӧма Коми Республикаса Юралысьӧн. Сы вӧсна сетісны гӧлӧссӧ 78,97 % морт, кодъяс волісны бӧрйысьӧмъяс вылӧ.
• 2015, кӧч тӧлысь 19 лун — Москваын ФСБ да Россияса следственнӧй комитет кутіс Коми Республикаса Юралысь Вячеслав Гайзерӧс, кодӧс мыждӧны преступнӧй котыр лӧсьӧдӧмын да мошейничествоын. Сыкӧд ӧттшӧтш мыждӧны нӧшта на 18 мортӧс: сылысь вежысь Алексей Леонидович Черновӧс, Коми Республикаса Каналан Сӧветӧн веськӧдлысь Игорь Владимирович Ковзельӧс, ас вылӧ уджалысьяс Александр Зарубинӧс да Валерий Веселовӧс, Россияса Федерация Сӧветӧ вӧвлӧм пырысь Евгений Самойловӧс да мукӧдӧс. Мӧд лунас сійӧс да нӧшта 14 мортӧс арестуйтісны кык тӧлысь вылӧ.
• 2015, кӧч тӧлысь 30 лун — Рочму Федерацияса Президент Владимир Путинлӧн индӧдӧн В.М. Гайзер вештӧма Коми Республикаса Юралысьысь («в связи с утратой доверия Президента Российской Федерации»).

Наградаяс

Россияса ведомствояслӧн наградаяс

• Физическӧй культура да спорт сӧвмӧдӧмӧ пай пуктӧмысь (2013, йирым тӧлысь 30 лун)

Коми Республикаса наградаяс

• Коми Республикаса Почёт грамота (2008).
• «Коми Республика водзын заслугаясысь» пас (2006).

Роч православнӧй вичколӧн наградаяс

• Вежа благовернӧй князь Даниил Московскӧйлӧн III тшупӧда орден (2010).

Öшмöсъяс

• Коми Республикаса официальнöй портал